كتير من الملابس عندنا مش بنحتاجها أو بتكون بايظة أو اتقطعت، أو بنطلون وقع على رجله كلور أو موضته راحت. جبنالكم افكار لعمل شنطة من الملابس المختلفة، زي البلوفر والجينز القديم، لصنع شنطة روعة وشيك.
افكار لعمل شنطة من الملابس المختلفة
فكرة شنطة:
فكرتها بسيطة، ودي هتكون أساس الشنط اللي بتتعمل من البلوفر. هنحضّر تيشرت جوخ أو بلوفر جوخ ونقص الأكمام كما بالصورة، لأن فتحة الأكمام دي هتكون حمالة الشنطة.
بعد قطع الأكمام، هنفتح فتحة الرقبة على شكل حرف V، وكمان في نفس المستوى هنقيس بالمسطرة فتحة الأكمام لتوسيعها بنفس مستوى فتحة الرقبة.
فتحة الأكمام هنخليهم بالمنتصف عن طريق لف البلوفر، وفتحة الرقبة هتكون من الجانب زي الصورة، عشان فتحة الأكمام هتكون حمالة الشنطة. هنقيس الطول المناسب للشنطة، وباقي الزيادة نقصه، ونعمل حساب 1 سم خياطة من الداخل لقاعدة الشنطة.
احنا مش هنرمي القماش اللي تم قصه، ولكن هنستخدمه لعمل وردات للتزيين، وممكن لو في زيادة أكتر نعملها بطانة للشنطة من قاعدتها بوضع ورقة كرتون في كم من الأكمام وخياطتها، ثم وضعها كقاعدة للشنطة.
شايفين حرف البلوفر من تحت؟ هنخيطه، والزيادة تم قصها شرائط على شكل الصورة، حتى يتم لفها على شكل وردات، وطبعًا الشكل اللي تفضليه للزينة.
وده الشكل النهائي للشنطة. شايفين من تحت؟ قفلناها من الداخل بالخياطة، وشايفين حمالات الشنطة كانت فتحة الإبطين للأكمام.
ودي صورة توضيحية
فكرة أخرى:
هنقطع البلوفر من تحت الإبط على هيئة مربع، وبالنسبة للحرف اللي تحت هنقلبه يبقى تحت فوق وفوق تحت عشان شكل الشنطة. ونخيط اللي تحت من الداخل لقفل قاعدة الشنطة، واليدين هيكونوا من بواقي القماش، ونزينها بالخرز أو بالخيط الصوف بعمله ضفيرة ثم وضعه على شكل وردة.
والشنطة دي هتكون زي الشنطة الأولى، بس بدل ما تكون الحمالات عريضة اللي هي بالأساس كانت فتحة الأكمام، هنلمها بعد توسيع الفتحة بالمقص، ونضع بالداخل عمود بلاستيك ونخيط عليه الحمالة، ونزينها بشرائط ستان أو شيفون.
ودي فكرة تانية بنفس الطريقة: هنقص البلوفر من فوق عشان يبقى مربع، والجيب هيكون قطعة من حرف الأكمام اللي قطعناها، هنفتحها ونعملها جيب، والحمالات من بواقي القماش المقطوع.
وممكن لو البلوفر طويل نقصه مستطيل بردو، ونخلي اللي فوق تحت واللي تحت فوق، وندخل الزيادة من طرف واحد للداخل، والطرف الطويل يكون غطاء الشنطة مثل الظرف أو الجواب.
وممكن تتبطن من الداخل بالقماش، وتحت البطانة نضع ورق مقوّى حتى يكون شكل الشنطة مثل المصنعة.
شايفين جميلة إزاي وهي مبطنة؟
فكرة أخرى من الجينز:
1- هنبدأ من الصور من الشمال إلى اليمين. هنحتاج قطعتين متساويتين من بنطلون جينز قديم، إبرة وخيط، ويفضل ماكينة خياطة ومقص.
2- هنفرد القطعتين بفك الخياطة من جانب واحد.
3- ثم نوصلهم ببعض من جانب واحد بالخياطة.
4- ثم نبطنهم بورق مقوى وقماش من الداخل، ثم نثني القطعة الموصلة من المنتصف، أي من منتصف الخط اللي وصلنا به القطعتين، بحيث تكون بالعرض، يعني الخط بالطول هنتني بالعرض زي علامة +.
5- حرف الشنطة من فوق هنضع بداخله ورق مقوى أو عمودين بلاستيك، ونتنيه بالخياطة على نفسه من الداخل.
6- هنحضّر شريط من بواقي الجينز يكون مسافته طويلة حوالي 100 سم، نخيطه من الداخل ونوصله ببعضه كحلقة.
7- ثم نضعه على الشنطة كبرواز وحمالة.
8- هنحضّر شريط صوف ونعمله عروة طويلة من الخلف للأمام، ونعمل زرار كبير للشنطة لقفلها.
شنطة من بنطلون كتان
هنحتاج:
- بطانة بلون مناسب
- مقص
- وماكينة خياطة أو خيط وإبرة
الطريقة:
من تحت على اليمين، هنقص منطقة الحجر أو الخصر للبنطلون، هنخيطها من الداخل من تحت، ونضع ورق مقوى لأن الكتان خفيف، ونبطن عليه الشنطة. ثم نركّب لها حمالات من نفس قماش البنطلون، وخلاص، بقى عندنا شنطة كاجوال.
نرجو أن تكون أعجبتكم الأفكار.
