خطوات عمل عروسة لعبة بالخطوات مصورة، اعمليها لبنوتك عروسة لعبة تحفة مثل التي تُشترى من محلات الألعاب ولكن بتكلفة أقل بكثير، وأيضًا بالحجم الذي تحبينه، كل ذلك بالخطوات مصورة.
خطوات عمل عروسة لعبة بالخطوات مصورة
سوف نحتاج إلى:
- إبرة وخيط
- قماش جوخ أو أي نوع لجسم العروسة
- بكرة خيط صوف للشعر
- مقص
- ألوان فلوماستر لرسم الوجه أو عيون جوجل للعيون
- ورق مقوى لرسم الهيكل
- قماش لعمل ملابس العروسة أو فستان لبيبي صغيرة
- قطن فايبر للحشوة
الطريقة:
هنرسم جسم العروسة على الورق مثل الصورة ونقصه ونحدده على القماش بالقلم، وجه وظهر، يعني كل قطعة طبقتين.
بعد قص الجسم، هنخيط القماش على الظهر مع ترك فتحة لإدخال القطن منها في كل قطعة.
من الفتحة دي هنقلب الجسم على وجه القماش ونبدأ بحشوه بالقطن.
بعد ما حشينا الجسم والوجه، هنقفل المكان اللي حشينا منه بالخيط والإبرة.
هنبدأ بعمل شعر العروسة من خيط الصوف.
هنعمل جيب العروسة من قطعة قماش ونشكلها كلوش، أو ممكن نستخدم فستان بيبي صغير حسب حجم العروسة.
هنركب كل الجسم بالخياطة، وممكن نعمل شريط ستان على الخصر.
بعد ما ركبنا الشعر بخياطة خيط الصوف في الرأس، نعمل دائرة كبيرة ونلبسها لرأس العروسة ونلف حولها شريط ستان بفيونكة لعمل قبعة العروسة، سهل خالص.
وكمان هنرسم العيون والشفايف والأنف، أو نركب عيون جوجل المتحركة المتوفرة بالمكتبات.
وده الشكل النهائي، أرجو أن تكون سهلة وتعجبكم.
وممكن نشتغل العيون بعد رسمها بالخيط.
ودي فكرة أخرى للشعر، والعروسة لابسة جوانتي ولكلوك بيبي وفستان بيبي.
وممكن تعمليها مشروع صغير ليكِ، ودي طريقة أخرى للتوضيح.
وممكن تركبي الشعر كده، هتحتاجي إبرة بثقب واسع أو تلصقي الشعر بمسدس الشمع.
