غطاء الرضاعة حل عبقرى لمشكلة الرضاعة فى الاماكن العامة لو طفلك فاجئك بأنه عاوز يرضع هتقدرى ترضعى طفلك فى مكانك و يشوفك وتشوفيه عشان التواصل بدل ما تدورى على مكان ترضعيه هنقدملك طريقة عمل غطاء الرضاعة بالخطوات مصورة .
طريقة عمل غطاء الرضاعة بالخطوات مصورة
سوف نحتاج الى
– متر من القماش السميك نوعا ما
مثل الكريتون او الجينز او قماش الملايات
– حلقة بلاستيكية او عظم بلاستيك
مثل الشريط بس بلاستيك
ومتوفر فى محلات ادوات الخياطة
– حلقتين معدن
– ابر وخيط او ماكينة خياطة
الطريقة
هنقطع من القماشة قطعطين بطول القطعة ولكن عرض صغير قطعة 7سم × 75سم
والقطعة الثانية 7 سم × 25 سم
والقطعتين هيكونوا شرائط لعمل حمالة الغطاء
والقطعة الكبيرة المتبقية حوالى 100سم × 65سم
بالنسبة للشريطين هتقلبهم على الضهر وخيطهم من الجوانب للتقفيل ونخيط جهة علوية مع ضمها لتصبح
مثل البروز والطرف الاخر نتركه بدون خياطة عشان نقدر نقلبها على الوجه تانى بعد قلبهم على الوجه
ندخل طرف القماش من الداخل ونقفل الطرف اللى متخيطش عشان الشريط يبقى متقفل من جميع الجهات
بالنسبة للشريط اللى كان طرفه على شكل مثلث او ببروز ندخل فيه الحلقتين المعدن ونقفل عليهم بالخياطة لانهم هيكونو الطرف اللى بيوصل بين شريطين حمالة الغطاء
بالنسبة لقطعة القماش الكبيرة بنخيطها من جميع الجوانب او نقفلها من الضهر ماعدا زاوية فى المستطيل
من ضلعى المستطيل بنسيب طرفين طولهم حوالى 10سم من كل جهة
بحيث يعملو اضلاع مثلث رأس هذا المثلث هنخيط فيه الشريطين فيما بعد
لكن الان اخنا سيبنا الطرفين مفتوحين عشان هندخل فيهم العظمة البلاستيك اللى هى قائم
زى ما انتى شايفة قفلنا كل الاطراف وسيبنا مسافة الزاوية اللى من الجهتين
بعد ما سيبنا اطراف الزاوية مفتوحة هندخل الحلقة البلاستيك
او العظمة البلاستيك ونقفل عليها بالخياطة
والزيادة بنقفله على الداخل ونخيط طرفين الشريط فى بداية الزاوية اى قاعدة المثلث
شايفين العظمة
خلت الغطاء له قائمة تقدر الام تنظر لطفلها منها وكمان الطفل يقدر يشوفها
ودى صورة توضيحية للشكل النهائى كى نوضح الشرح
شايفين الحمالات على جوانب الاماكن اللى فيه العظمة البلاستيك
وطبعا الحلقات المعدنية عشان نشبك طرف الشريط فى حلقات الشريط الاخر
شايفين البيبى شايف ماما ازاى وهو بيرضع
بس مفيش اى شخص شايف حاجة غير ماما
ودى صورة ماما مستورة جدا وكمان قادرة تتواصل مع طفلها بدون احراج
وتقدرى تلفى الطفل على الصدر الاخر بلف الغطاء معاه وبدون قلق
نرجوا ان تعجبكم الفكرة وتكون اكثر وضوحا
على فكرة العطاء ده ثمنه فى المحلات حوالى 40 دولار او 300 جنيه
ولكن تكلفته لو اتعمل فى البيت مش هتعدى ال50 جنيه
