ماذا تفعلي مع ابنك في هذه المواقف التالية ؟

لو بتعدي بأمور كتير او مواقف يومية احيانا بتقفي قدامها مش عارفة ماذا تفعلي مع ابنك في هذه المواقف وكيف تتصرفي أزاي او ايه انسب اسلوب للتعامل في هذا المواقف اقرأي هذا المقال سنذكر العديد من المواقف مع طفلك وكيف تتعاملي معها بطريقة مثالية والهدف هو التربية السليمة لطفلك

ماذا تفعلي مع ابنك في هذه المواقف التالية ؟

الموقف الاول : لو اولادك بيتخانقوا مع بعض وهما بيلعبوا

غلط اننا نعاقب حد لأنه هيولد كراهية ناحية اخوه او اختها لأنها السبب في ضربها لكن نسيبهم المرة دي والمرة الجاية ندخل ونلعب معاهم ونفهم سياستهم ايه في اللعب واحنا بنلعب معاهم نرمي بعض قواعد التربية

فمثلا لو بيشدوا اللعبة تقولي لأ لازم منشدهاش لما اخوك يكون ماسكها وهو يلعب بيها شوية وانت بعده وهكذا فأنك تلعبي معاهم وتوريهم قواعد صحيحة للعب من غير مشاكل ده افضل من التوبيخ والعقاب المباشر لما بيتخانقوا

الموقف الثاني : طفلي مرتبط بيا جدا فماذا افعل ؟

لازم نعود الطفل على التعامل مع ناس تانية خارج اسرته خاصة الام عشان يقدر بعدها نسيبه في الحضانة واحنا مرتاحين فلازم بالتدريج نقلل ارتباطه بأمه فمثلا لو بينام معاها لازم نعود الطفل انه في مكان ينام فيه لوحده و النوم في سرير لوحده وطبعا هيكون في عياط الاول لكن لازم يحصل كده

وبعد كده نعود الطفل اننا نخرج ونشوف ناس تانية واصحاب تانية ونختلط بيهم ونعمل العاب جماعية تحمس الطفل انه يكون وسط مجموعة من الناس ويحتك بيهم ويتعامل معاهم

الموقف الثالث : ابني علطول عنيد لما بطلب منه حاجه فماذا افعل؟

ان العمار في علاقتنا بأولادنا هي دي سر نجاح التربية لان لو طفلك قريب منك وانت بتحكي معاه بهدوء وبتتشارك معاه مش هيبقى عنيد فياريت نقلل الاوامر لأولادنا لان هيكون الرد الطبيعي لها العناد او الرفض لكن

مثلا لو لقيت العاب ابنك متلغبطة في كل حتة ابدأ اطلب منه انه يجي معاك وتلموها سوا مش بس تأمره ان يجمع العابه وانت او انتي قاعدة تتفرجي على التلفزيون وسيباه لوحده .

الموقف الرابع: ما فرق السن المناسب بين طفلين؟

احلى حاجة انه ميكونش في فاصل كبير بين الطفل الاول والثاني عشان يبقوا قريبين من بعض ويعرفوا يتعاملوا مع بعض ويفضل انه يكون من سنتين او 3 او 4 كحد اقصى لفرق العمر بين الطفلين بحيث يكونوا اصحاب بعض ومتفاهمين وهما قريبين في العمر

لكن يفضل الا يحدث حمل الا بعد ان تتأكدي ان الطفل الاول يعتمد نسبيا على نفسه واعتاد على دخول التواليت بمفرده حتى لا تعاني معه واحرصي ان يكون الطفل الاول اخذ قدر من الحنان والحب حتى لا يغير من الطفل الثاني .

الموقف الخامس : كيف اعود طفلي على النوم دون معاناة بالساعات ؟

لابد ان يعتاد الطفل على ساعة معينة يوميا يذهب فيها للنوم ولا نتركه كل يوم حسب الظروف او نتركه حتى ينعس هو او يشعر بالتعب لكن لابد من النوم المنتظم والتنظيم من قبل الام

فيفضل ان يكون النوم على الساعة 8 او 9 مساءا ويجب عمل نقاط سابقة نفهم الطفل منها انه وقت النوم حان مثل الاستحمام ثم الذهاب لقراءة قصة ثم تشغيل اضاءة خافتة فكل تلك الامور يربطها الطفل بالنوم وتسرع من نومه دون معاناة.

الموقف السادس : طفلي يغير جدا من اخوة الاخر فماذا افعل ؟

بدون قصد بالتأكيد يجد الاباء والامهات انهم يميلون لطفل دون الاخر فمثلا يميلون الى الطفل الهادئ لأنه غير متعب لهم وينفرون من الطفل النشيط الشقي لأنه مصدر معاناة واجهاد وتعب مما يشعر الطفل الشقي ان اخاه محبوب عنه فيدفعه باستمرار للخناق معه او يحاول ان يدعي الهدوء ويقلد اخوة حتى ينال اعجابكم.

ومن هنا يلغي شخصيته او يحاول ان ينقل تصرفات سيئة فعلها اخوة لكم حتى يشوه صورته لكن هنا يجب الانتباه لماذا يغير الطفل من اخوه ويجب التعديل السريع لطريقه تعاملنا مع اولادنا ونحسن لهما معا ولا نفضل احد عن الاخر  بل نشعرهم سوا بتميزهم وان لكل واحد صفات مميزة ورائعه ولا يوجد من هو احسن من الاخر.