الاحترام والحدود بين الزوجين طريق السعادة الزوجية

الاحترام والحدود بين الزوجين ، المشكلة في العلاقات الزوجية التي للاسف عاده ما تنتهى بالخراب ان الراجل فاكر من حقه يتعصب ويعيش حياته لكن مراته لآ وملهاش أي طلبات . وفى ناس تانيه واخدها مامتها هي النمط اللي لازم تكون مراته عليه ويلغى خالص شخصيتها. وفى ناس تانيه عندها استعداد تشيل كل الناس فوق راسها وتحترمهم على حساب مراته.

وكأن المرأة هي اللي مطلوب ان تكون الطرف المضحى طوال الخط وتستحمل طبعه وعصبيته . لكن هل تلك الانماط تقود لزواج ناجح ؟ وهل عدم احترام الزوجة يستطيع انه تكمل به الزوجة وهى سعيدة في الزواج ؟وهل الاحترام والحدود بين الزوجين شرط لنجاح الزواج سنتعرف في هذا المقال

هل الاحترام والحدود بين الزوجين طريق السعادة الزوجية ؟

المشكلة في العلاقات الزوجية الخربانه ان هناك حدود منتهكه وتم تعاديها بين الزوجين . فنعم هم اصبحوا واحد بعد الزواج لكن هذا لا يلغى ضرورة الاحترام المتبادل بينهم والتقدير لأنه سيزيد من قيمه الحب وقيمه العلاقة بينهم ويساعد على نجاحها لأطول فتره ممكنه.

ولازم نتعود من اول يوم جواز نحتلرم بعض ولو حسينا ان الشريك الاخر يتعدى خطوط الاحترام لانتهاون تحت مسمى الحب.

ولازم نعمل وقفه بينا ونفهم بعض ايه الللى بيضايقنا  لان لو كملنا واحنا مش مقدمين الاحترام لبعض

ممكن نستحمل مره واتنين لكن هنجى في الاخر وهننفجر ونكره الشريك اللي لا يقدم لنا التقدير والاحترام وساعتها هيخرب الجواز.

وياريت كل زوج يشوف مراته بجد مش انها ست البيت اللي بتقعد كل اليوم بس تطبخ وتربى العيال وتنضف البيت.

لكن وصلها ان دى مراتك يعنى شريكه حياتك . يعنى اللي سابت الدنيا كلها عشانك واختارتك انت وحست انها هتلاقى السعاده الحقيقية معاك فمتخيبش ظنها ولا تحسسها انها اختارت غلط .

ومن اهم الاركان التي يجب ان تكون فيها حدود هي:

– المشاعر

– القيم

– السلوك

– الامال والاحلام الشخصية

فمثلا لو بلد لغت الحدود مع بلد اخرى وادعت انهما دول شقيقه واصدقاء .سيحدث يوم ما ان يتعدى احد الشعبين على الشعب الاخر وستقوم الحرب بينهما وتحولت الصداقه الى دول تحارب بعض . فقط لان الحدود انتهكت بينهما.

فلازم كل واحد يعرف حدوده الشخصية ليتحمل نتيجة تصرفاته . فمثلا :

لو شريكك زعلان ومصمم على مشاعر الزعل. من حق الطرف الثاني يسأل هو ليه زعلان .ولكن هو السبب يقدم الاعتذار . لكن لو لم يكن هو السبب فهو يمكن ان يقدم وسائل تساعد الشريك الاخر على التخلص من تلك مشاعر الزعل . لكن مش مطلوب منه ينزل يبوس رجله عشان يكون مبسوط.

فمن افضل انماط الزواج المثاليه هي ان الزوجين يحبوا بعض ويتفهموا بعض ويقدموا كامل الاحترام والتقدير لبعض ويعرفوا ان اهانه مشاعر الاخر وعدم احترامه خطر احمر بل انذار بتخريب العلاقة الجميلة بينهما . ودى اجمل صورة للحب والاحترام داخل الزواج.

ومينفعش تاخد قرار عن شريك حياتك هو لم يتخذه . فلو هو مش مقرر من الاول ان الزواج قائم على الاحترام فيعلم ان الزواج سينتهى سريعا . وده قرار شخصى لازم كل زوج وزجه يبادروا بيه.