الحفاظ على التواصل في الحياة الزوجية وتجنب الخرس الزوجي

الحفاظ على التواصل في الحياة الزوجية وتجنب الخرس الزوجي من الموضوعات الهامة التي تشكو كثير من الزوجات بل والازواج ايضا انه لم يعد الشريك الاخر يتحدث كثيرا معي مثل ايام الخطوبه . فماذا افعل؟ ، وفى هذا المقال سنناقش كيفية الحفاظ على التواصل في الحياة الزوجية وحديث ممتع طوال العمر ؟ وتجنب الخرس المنزلي للزوج ، سنتعرف في هذا المقال

الحفاظ على التواصل في الحياة الزوجية وتجنب الخرس الزوجي

ان اول سنين في الزواج هي سنين الدسم كله لان فيها بنخزن معلومات عن بعض وازاى نتعامل مع بعض ونفهم صفات بعض .ونفهم ايه اللي بيحبوه جوزى وايه اللي بتحبه مراتى .

عشان تكون الخلفية اللي هنكمل بيها باقي حياتنا . ومينفعش نقول احنا اديلنا كتير متجوزين وبنفهم بعض من غير الكلام . فحتى لو جوزك او مراتك فهماك .

ده مش مبرر ان نلغى الحوار والكلام مع بعض . حتى لو ملوش لزمه لكن الحوار ده وسيله بنقرب بيها من بعض . والحوار اساسى لنضاره الحياه الزوجية .

وحتى لو سنين مرت كتير وعشره طويله عريضة ده لا يلغى ان في اوقات لازم نتكلم عشان نعبر احنا عايزين ايه . وممكن فعلا مع العشره افهم جوزى او مراتى حاسة بأيه ” هل هي زعلانه , هل هي مبسطوه ” لكن استحاله اعرف السبب الاول ومنجم بقى . وده بيأكد اكتر ان الكلام مهم

 

 

طب ليه بنوصل لمرحله مش لاقيين كلام نتكلمه ؟

ممكن تكون علاقتنا مع بعض مش كويسه ومليانه مشاكل وبالتالي المشاكل بتصعب الكلام بينهم لو حد بيسخر من الثاني وهو بيتكلم طبيعي المره اجايه مش هيكون حابب يتكلم معاه. لو كان رد فعل غير مناسب لكلامه فهيحس انه بيتكلم مع نفسه وكلامه ملوش ملوش لزمه.

 

التواصل في الحياة الزوجية

وفى انواع من التواصل وهما :

ياما زوج بيقول الحد الادنى من التواصل مثلا ” هروح الشغل الساعة كذا و ارجع الساعة كذا

ياما التواصل التحريرى مثل سرد معلومات مش اكتر كأنه بيقرأ الاخبار

ياما في تواصل مع تحفظ على المشاعر

ياما الشفافيه والحقيقه والمشاركه والشعور بالأمان ومشاركه المشاعر ودى اعمق نوع لان هو ده اللي لازم يكون بين المتجوزين وبالطريقة هذه بنفتح سبل للكلام مع بعض ومش هيحصل خرس زوجى ابدا في المنزل . لأنها بتدى تجاوب جميل في العلاقة.

 

 

طيب أزاي نرجع التواصل والكلام زى الخطوبه ؟

– لازم نحدد وقت لينا لوحدينا بعيد عن أي انشغالات ومسئوليات بالشغل وليكن مره كل اسبوع تخرجوا تتعشوا سوا وتحكوا وتتبسطوا او لو مره كل كام شهر تسافروا سوا وتعيشوا ايام شهر عسل من جديد بتدى روح حلوة للعلاقه .

وابعد الوقت ده عن أي مشغوليه او انك تكون بتفكر في الشغل لكن حسس مراتك ان ده وقتها هي لوحديها وبس طبعا التواصل عايز تدريب ونمو لان كل واحد من بيت مختلف بيتكلم ويعبر بطريقه مختلفة .

لازم لما حد يتكلم الثاني يبين انه مركز معاه ومدى اهتمام لكلامه حتى لو تافه ومتصدوش وتقوله : انجز , انا عارف باقي الحكايه  لان ده هيبكت الكلام ومش هيخلى شريكك نفسه يحكى معاك في حاجه تانى .

– اخلق جو من الامان : فلا تسخر منها او تقلل من ماشعرت به اثناء الحديث معها ولا تشعرها بالذنب او ان شعورها ده غبى او غريب او مبالغ فيه . لان بكده مش هتقلك مشاعرها تانى .

– لا تحكم على نيه شريكك  متقوليش انت اصل قصدك كذا  او انت بتقول كلامك ده عشان تهينى او غيره فبلاش سوء الفهم لان لو كل مره فهمت شريكك غلط مش هيحكى معاكى تانى . لكن لو شاكك في حاجه قوله : انا حاسس من كلامك بكذا . انت تقصد ده ولا انا فهمتك غلط ؟ لا تظهر الزهق او الملل من حكاوى شريكك