تضحيات الام احلى شعور يبسط أي حد هو نطق كلمه ” أمى ” فالام هي رمز التعب هي رمز التضحيه. هي رمز المعانه منذ الحمل وحتى اخر يوم في العمر . فتظل الام اسمى كلمات الكون وكنز يخبى ارق الاحاسيس والمشاعر . فتحيه لكل أم ضحت وتعبت وتنازلت عن ابسط حقوقها وهى النوم والراحه لكى تخرج اطفال وشباب واجيال تصلح للمستقبل . واليك تذكير بمعاناة و تضحيات الام دون ان تشعرك بشئ .
تضحيات الام عانتها دون أن تشعرك بشئ
– فاكره لما كنتي بتدخلى عليها الاوضه مره واحده . وتلاقى عنيها فيها دموع
وتسأليها: ماما هو انتى بتعيطى ؟
وترد تقولك : لاياحبيبتى هي عنيا دخلت فيها شويه تراب .
كانت بتضحك عليكى عشان متحسسكيش بحزنها وألمها وتعبها.
– فاكره لما كنتي تقعدى على تربيزة السفره وتروح واخده من طبقها حطالك في طبقك .
وتسأليها: ماما هو انتى شبعتى ؟
وترد تقولك : اه يا حبيبتى انا اصلى لسه واكله
كانت بتضحك عليك هي اصلا من ساعه ما صحيت واقفه تعمل اكل ومكلتش طول اليوم عشان انتى تاكلى وتشبعى
تضحيات الأم عانتها دون أن تشعرك بشئ
– فاكره لما عزمتى اصحابك يوم الجمعه عندك في البيت ووقفت تعمل اكل طول اليوم وجت في اخر الليل مش قادره تقف على رجليها .
وتسأليها: ماما انتى شكلك تعبتى اوى انهارده .
وترد تقولك : لا يا حبيبتى ولا تعب ولا حاجه المهم اتبسطوا اصاحبك من الاكل ؟
كانت بتضحك عليكى وهى اصلا كان نفسها ترتاح شويه في يوم اجازتها من الشغل بس مرضيتش تكسر بخاطرك .
– فاكره لما قالتلك متنسيش تجبيلى الدوا وانتى راجعه من الشغل عشان مش قادره انزل اجيبه.
وانتى نسيتى وروحتى البيت وجوزك قالت ان مامتك اتصلت بيكى .
رحتى انتى اتصلتى بيها وسالتيها: ماما انتى جبتى الدوا ولا انزل اجبهولك .
وترد تقولك : مش مشكله بكره انا عندي يكفينى للصبح
كانت بتضحك عليكى هي اصلا الدوا خلص من يومين بس مش راضيه تقولك عشان متتعبيش وتنزلى تانى من بيتك .
– فاكره لما كنتي عايزة تخرجى تتفسى مع جوزك ووتسيبى عيالك عندها
وانتى اتصلتى بيها ولقتيها صوتها تعبنا وسالتيها: ماما انتى عيانه؟
ردت وقالتلك : لا يا حبيبتى انا عشان صاحيه لسه من النوم .
كانت بتضحك عليكى هي اصلا ميته من التعب بس عيزاكى تتبسطى فخبت عليكى .
– فاكره لما جه وقت عيد ميلادها
وسالتيها : نفسك في ايه اجبهولك ياست الحبايب
ردت عليك وقالتلك : اوعى تجيبى حاجه انتوا عندي بالدنيا كلها .ومفيش أي حاجه محتاجاها
كانت بتضحك عليكى هي اصلا نفسها حد ياخدها لمحل لبس ويشتريلها عبايه جديده ويقولها هتاكل منك حته
يا احلى أم .
فاكره لما كان كله يبقى نايم تحت البطانية في عز برد الشتا . ولما تصحى تلاقى الفطار جاهز .
هي صاحيه قبلك في البرد وواقفه في المطبخ تحضرلك الفطار عشان تصحى تلاقيه جاهز .
ياترى فاكره ولا نسيتى كل تضحيات الام معاكى . ياريت نفتكر عيد الام اللي جاى ومننساش نعبر لهم عند حبنا بحاجه
رمزيه لا تعادل أي تعب ومعاناه عملوها عشان نوصل للى احنا فيه دلوقتى .
