هنقدم طريقة الشيبسى بالاطعمة المختلفة هنعمله بالبيت احلى واضمن عشان صحة اولادنا لازم نحافظ عليها من الاكلات الجاهزة اللى منعرفش مصنعة ازاى وثبت انها بتؤذى صحة اطفالنا هنقدم بطعم الجبنة والكباب و الفراخ والشطة والليمون والملح والخل والطماطم والكاتشب وكمان طريقة المايكرويف والفرن والبطاطس المنفوخة
الشيبسى بالاطعمة المختلفة هنعمله بالبيت احلى واضمن
طريقتين للبطاطس الشيبسي
أولاً: الطريقة العادية
- اللي بيحب الشيبسي وعاوز يعمله لاولاده في البيت بطريقه صحيه وامان
- نقشر البطاطس المخصصة للقلي و نقطعها حلقات (شيبسي) رقيقة قطعيها بالمقشره علشان تكون رقيقه او بمبشرة الشيبسى او بالسكين لو تعرفى تعمليها رقيقة
- و نضعها في ماء بارد أو ماء به قطع ثلج و نتركة في الماء البارد لمدة 1/2ساعة على الأقل و لا تضع على الماء ملح ونحطها فى الثلاجة علشان تفضل ساقعة
- نسخن الزيت جيداً على درجة حرارة عالية ،ثم نضع الشيبسي في الزيت بكميات قليلة بمعنى اننا نفرق الشيبسى عن بعضه ميلزقش ببعضه واحدة واحدة نحطها لحد ما القلاية تتملى بس يكون مش مزدحمة والزيت غزير حتى يعطي النتيجة اللى عيزنها من القرمشة
نيجي بقى للطعم
اولا: نكهة الجبنة المتبلة
- نحضر جبنة رومي مثلجة (وضعها في الفريزر مدة 24ساعة تقريباً ) و نضربها في الكبه و لازم تكون مثلجة علشان تتطحن كويس وتبقى شبة البودرة او نبشرها بالمبشرة من المكان الثقوب الصغيرة
- ثم نضيف عليها مرقة دجاج فورية و نضربها مرة أخرى لتتجانس و تنعم أكثر ولو عندك توم وبصل بودرة ضيفى معاها ونرشها على البطاطس اول ما تطلع من الزيت وهى سخنة عشان تكتسب الطعم
- الشيبسى بالاطعمة المختلفة
ثانيا: نكهة الطماطم
- اعصرى طماطماية وحطى عليها ملعقة ملح + ملعقة خل +ملعقة فلفل اسود
وانقعى البطاطس فيها بعد ما تشليها من الماية وبرضوة تبقى فى التلاجة قبل القلي طبعا البطاطس هايكون لونها احمر وتقلى
ثالثا: نكهة الكاتشب
- ملعقتين كاتشب + ملعقة ملح + ملعقة خل +ملعقة فلفل اسود انقعى برضة البطاطس زى الخطوة اللي فاتت طبعا هتزودى كمية التتبيلة على حسب كمية البطاطس
رابعا: نكهة الخل
- اتنقعى البطاطس في الخل والملح بعد الماية وتقلي
خامسا: الشطة والليمون
- ملعقة خل + نص ملعقة شطة او فلفل احمر بودر حار + عصير ليمونة +ملح + فلفل اسود
(انقعى اطول فترة ممكنة علشان تاخد من الطعم كويس جدا )
سادسا: نكهة الدجاج
- رشى مرقة دجاج فويرة على البطاطس اول ما تطلع من الزيت او بهارات فراخ من عند العطار وممكن تنقعى البطاطس فى ماء سبق غليه مع بهارات فراخ وتوم بودر ونبرد الماء ثم ننقع البطاطس فيه اطول فترة ممكنة
سابعا: الشيبسى بطعم الكباب
- يوضع مكعب مرقة لحم وشوية ملح صغيريين فى كوب ماء ونغليهم كويس ولما يبرد ننقع فيه البطاطس]
- وطبعا ممكن نستبدل المرقة ببهارات لحمة من عند العطار ونعملها بنفس الطريقة
الطريقة التانية في المايكروييف
المقادير:
- 2بطاطس كبيرة
- للتتبيل (بودرة ثوم، ملح، فلفل) او اي تتبيله جافه من التبيلات السابقة
- زيت عباد الشمس او زيت زيتون
الطريقة:
1. اغسلى البطاطس جيداً ولا تقشريها. قطعيها إلى شراح رفيعة مثل الورق بمبشرة البطاطس.
2. ضعى شرائح البطاطس فى وعاء، رشى بعض الملح وغطيها بالماء البارد وإتركيها لمدة 10 دقائق.
3. ازيلى شرائح البطاطس على دفعات وضعيها على ورقة مطبخ واتركيها حتى تجف.
4. اذهنى صينية ميكروويف مسطحة بالزيت، ثم رصى شرائح البطاطس على الصينية فى طبقة واحدة.
5. رشى التولابل والأعشاب فوق الشرائح.
6. غطى الصينية بغلاف بلاستيك صالح للأستخدام داخل الميكروويف.
7. شغلى الميكروويف على العالى لمدة 5 إلى ½ 5 دقائق أو حتى تلتف الشرائح قليلاً ويصبح لونها ذهبى.
8. كررى الخطوات مع باقى كمية البطاطس.
طبعا اللى مش عنده مايكروييف ممكن يعمل نفس الطريقة بالفرن بس على نار متوسطة حتى تنضج وتبقى مقرمشة لان النار العالية هتحمرها وتبقى غير ناضجة
- طبعا بقي انتى وابداعك ممكن نكهة كاري وممكن بهارات وممكن ثوم للي يحب وبصل كمان
- وتقدري تخترعي الطعم اللي تختريه وتحبيه
- بعد كده تنقع الشيبس في الطعم حتى يتشرب جيدا
- ثم تحمر فى زيت غزير حتى تصبح ذهبية اللون ومقرمشة
- ثم تستخرج من الزيت وتوضع على ورق ليمتص الزيت منها ثم تقدم
ملحوظه:
- لازم النقع يا جماعة اطول فترة ممكنة علشان النتيجة تكون افضل
لو عاوزة تعملى شيبسى بطاطس منفوخة
المقادير:
- 4 حبات بطاطس متوسطة الحجم.
- 1 ليتر ماء باردة.
- 5 ملاعق باكينج باودر.
- زيت للقلي.
طريقة التحضير:
1- نغسل حبات البطاطس جيداً بالماء ثم تقشر وتقطع إلى شرائح رقيقة جداً.
2- نذوب الباكينغ باودر في الماء البارد وتنقع رقائق البطاطا لمدة ساعة على الأقل.
3- بعد ذلك تنشف جيداً شرائح البطاطس من الماء وتقلى بالزيت الحامي، ستلاحظين أنها تنتفخ على الفور.
4- لا تحاولي قلي كمية كبيرة دفعة واحدة ويستحسن وضع طبقة واحدة في سلة القلي كل مرة.
