الاكلير من احلى الحلويات احنا ممكن نعمله زى الحلوانى واحلى وانضف كمان وهيتكلف ثلث السعر تقريبا الكيلو وكمية اكبر كمان خطوات عمل الاكلير بالتفصيل بالصور وافكار للحشوات .
خطوات عمل الاكلير بالصور بحشوات مختلفة
المقادير:
- كوب دقيق
- كوب ماء
- نصف ملعقة صغيرة سكر
- ربع ملعقة صغيرة ملح
- 4 بيض
- ملعقة كبيرة فانيليا
- 8 ملاعق كبيرة زبدة حوالى 110 جرام زبدة
طبعا ممكن تعملى نصف كمية المقادير او تضاعفيها لو عاوزة كمية اكتر.
الحشوة:
- كاستر شيكولاتة : ( باكو كاستر شيكولاتة او 3 ملاعق كاستر عليهم نصف كيلو حليب و4 ملاعق كبيرة
- سكرة يخلطوا جيدا على البارد ثم يرفعوا على النار مع التقليب حتى يتقل ثم يضاف 2 ملعقة قشطة ويقلب دقيقة ثم يرفع من على النار و يترك ليبرد ثم يوضع بالثلاجة )
- كاستر فانيليا او فراولة نفس طريقة الكاستر شيكولاتة
- باكو الكاستر سعره حوالى 1 جنيه
- كريم شانيه
- كريمة مخفوقة المراعى او جهينة وممكن الحشوة اللى تحبيها
لتزيين الوجه:
- صوص الشيكولاتة
- ربع كيلو شيكولاتة خام مبشورة
- ملعقة كبيرة زبدة
فى حمام ماء ساخن حلة بها ماء داخلها حلة اصغر على النار نضع الشيكولاتة والزبدة حتى تذوب تماما لتزيين الوجه
الطريقة:
يتم خلط الدقيق مع السكر والملح فى طبق
فى اناء على نضع الزبدة والماء ونتركهم على النار حتى يغلوا
ثم نضيف الدقيق ونقلب بسرعة بملعقة خشب او مضرب سلكى لمدة دقيقة حتى يختلط كل الدقيق بدون كلكعة ثم نرفعه من على النار ونتركه يبرد تماما
بعد ان يبرد نضيف البيض واحدة واحدة وكل مرة نضيف بيضة نخلطها كويس جدا بعجينة الدقيق والزبدة
ثم نضيف البيضة الاخرى ونخلط حتى ننتهى من كمية البيض مع اضافة الفانيليا عليهم ونخلط جيدا
وده شكل العجينة بعد الخلط
يسخن الفرن على درجة حرارة 180
تفرد ورقة زبدة على الصينية ويوضع العجينة فى كيس حلوانى ونشكل بها اصابع عريضة بدون نقشه او ممكن يكون القمع منقوش حسب الرغبة وترص الاصابع على مسافات متباعدة من بعضها
شايفين بنشكلها ازاى وطبعا ممكن نعملها وردات صغيرة بدل الاصابع
ثم تخبز بالفرن لمدة من 20 الى 25 دقيقة او حتى تأخذ لونا ذهبيا جميلا
تترك على شبكة لتبرد تماما وده شكلها بعد ما استوت نفتحها عشان نحشيها
هنعبى الحشوة فى كيس حلوانى ونحشى بيها الوردات الصغيرة من الجانب وهى مقفولة مثل الحقنة بقمع رفيع ثم نزين الوجه بصوص الشيكولاتة وممكن نرش على الوجه سكر بودرة
وممكن نزينه بصوص الفانيليا ( نخلط كوب سكر بودرة مع ملعقة فانيليا وربع كوب ماء او اقل نزود الماء بالتدريج حتى نحصل على صوص ثقيل وممكن نذوب شيكولاتة بيضاء مع ملعقة زبدة )
ممكن نفتح الاكلير الاصابع من المنتصف ونحشيها كاستر.
او تحشى من الجانب وتغمس فى الشيكولاتة الذائبة وده شكلها محشية كريم شانتيه وممكن نرش على وجه الشيكولاتة سودانى مجروش.
وده الاكلير بحشوة كاستر الشيكولاتة
