السينابون حلوتي المفضلة وهو مناسب للافطار او العشاء وخصوصا فى الشتاء يعطى شعور بالدفىء والطاقة هنقدم طريقة عمل السينابون بالتفصيل وبالصور
طريقة عمل السينابون بالخطوات مصورة
المقادير:
هنعمل مقادير العجينة وطريقتها اولا
العجينة
- 4 كوب دقيق
- 2 بيضة
- ملعقة صغيرة ملح
- نص كوب زبدة سايحة
- كوب سكر
- كوب حليب
- 2 ملعقة كبيرة خميرة فورية
الطريقة:
فى اناء عميق نضع الحليب ثم البيض ثم الزبدة السايحة و السكر و نخفق جيدا ثم نضيف الخميرة ونخفق بمضرب السلك
نبدأ باضافة الدقيق والملح ونضيف كوب كوب من الدقيق حتى نحصل على عجينة متماسكة و طرية نعجنها باليد 5 دقائق
ثم نضعها فى بولة كبيرة مدهونة زبدة او زيت وتغطى وتترك نصف ساعة فى مكان دافىء لتختمر
الحشوة”
- حوالى كوب زبدة طرية
- كوب سكر بنى او كوب سكر ابيض عليه ملعقتين عسل اسود
- 3 ملاعق كبيرة قرفة ناعمة
- عين جمل او جوز وممكن نعملها بالسودانى او اى مكسرات تفضلوها
دى طريقة عمل السكر البنى فى بولة هنضع كوب سكر ابيض ونضيف عليهم ملعقتين عسل اسود ونخلطهم بالمضرب السلك جيدا هنحصل على السكر البنى
هنضيف على السكر البنى القرفة ونخلط
بعد ان تختمر تفرد بالفرادة على شكل مستطيل وسمك
نفرد الزبدة بالشكل اللى بالصورة طبقة رقيقة ثم نضيف السكر البنى بالقرفة
ثم نضيف عين الجمل بعد تكسيره او اى مكسرات مطحونة ونبدأ بلف العجينة رول براحة جدا عشان لا تتلف منا وممكن نضع تحت العجينة ورقة زبدة حتى تمكنا من لفها برفق وبسهولة
بعد لف العجينة رول تقطع قطع نفس المقاس كما بالصورة
ترص فى صينية ونتركها ترتاح نصف ساعة
وده شكلها بعد ما ارتاحت وحجمها زاد تخبز فى فرن مسخن مسبقا على نار عالية لمدة 20 دقيقة او اقل حسب الفرن
صوص الكريمة
المقادير:
- كوب جبنة كريمى اى نوع كيرى او لافاش كيرى بس لازم متكنش مطبوخة تكون خاصة بالحلويات
- كوب سكر بودرة
- كوب زبدة فى درجة حرارة الغرفة
- ملعقتين فانيليا سائلة او بودر
الطريقة:
نخفق فى الميكسر او بمضرب البيض الجبنة الكريمى ثم نضيف لها الزبدة ونخفق ثم السكر البودرة والفانيليا و هيكون احلى صوص يضاف على الوجه
وده قوام الكريمة بعد الخلط اللى هنضيفها على السينابون
بعد خروج السينابون من الفرن وهو ساخن يدهن الوجه بالكريمة عشان يسيح زى الصورة ويبقى صوص جميل و يزين بالمكسرات.
طريقة عـمل السينابون بالخطوات مصورة
والف هنا
