هنقدملك طريقة عمل عجينة القطايف بالصور عشان تعمليها بالبيت طول السنة مش رمضان بس وكمان انضف والطعم احلى بكتيير
طريقة عمل عجينة القطايف بالصور
المقادير
- كوب وربع دقيق
- 2 ملعقة حليب بودرة نيدو
- ملعقة صغيرة فانيليا
- ملعقة صغيرة خميرة مذوبة فى نصف كوب حليب دافىء وملعقة كبيرة سكر وتترك 5 دقائق لتتفاعل
- 2 ملعقة صغيرة بيكنج باودر
- كوب ماء
الطريقة
فى اناء نضع الدقيق والحليب البودر والبيكينج بودر والفانيليا والخميرة المذوبة مع الحليب والسكر والماء ونقلب جيدا حتى نحصل على قوام سميك مثل عجينة الكريب
تترك لتختمر فى مكان دافىء بعد تغطيتها لمدة ساعة
فى مقلاة غير لاصقة تدهن قليل من الزيت ونسخن جيدا ثم بملعقة كبيرة نضع كمية لتعمل شكل دائرة وتكرر حسب مساحة المقلاة
عندما تعمل ثقوب وفقاعات يبقى كده استوت وظهور الفقاقيع يعد نجاح التخمر وطبعا نسخن المقلاة ونهدى النار الى متوسطة لان النار الهادية هتخليها جافة والنار العالية هتسوى الوجه والداخل عجينة بمجرد ما تظهر الفقاقيع لا تقلب على الوجه الاخر
بل تزال فى منشفة نظيفة وجافة وتغطى حتى تجف
ونكرر مع باقى الكمية
القطايف بالمكسرات والزبيب
نعمل شربات او سيرب
( 2 كوب سكر + كوب + ملعقة عصير ليمون يغلى على النار مع التقليب بحرص ومحاولة مسح جوانب الاناء من اى سكر بفرشاة مبللة ماء حتى لا يسكر الشربات او السيرب ويفسد ويترك على نار متوسطة بعد الغليان لمدة 5 دقائق ثم يترك ليبرد لازم يكون بارد
بعد ذلك نحضر حشوة المكسرات والزبيب ونحشيها ونقفلها جيدا ولا نكثر فى الحشوة حتى لا تفتح بالزيت
تحمر فى زيت غزير وساخن وبمجرد خروجها من الزيت تصفى على مناديل ورقية من الزيت وتوضع بالشربات الدافىء ثوانى وتصفى وترص بطبق وهى ساخنة وتقدم بعد تزين الوجه بالمكسرات ده السر بان يكون طعمها مقرمش وطرى فى نفس الوقت.
وتقدم بالف هنا
