طريقة عمل بقسماط بالسمسم في البيت زي المخابز

لازم نعرف ان كل حاجة ينفع نعملها فى البيت و زي برا واحسن واضمن كمان علشان كده هنقدم طريقة عمل بقسماط بالسمسم فى البيت بطريقة سهلة وبسيطة. واليكي المقادير والخطوات فى هذا المقال

طريقة عمل بقسماط بالسمسم في البيت زي المخابز

المقادير:

• كيلو دقيق ابيض
• 2 مل كبيرة ملح
• مل كبيرة خميرة
• 3 بيضات
• ملعقة كبيرة سكر
• 500 مللى ماء
• ربع كباية زيت ذرة

الطريقة:

1. اخلطي الدقيق مع الخميرة ومع الملح والسكر كويس
2. ضيفي الزيت واعجني لحد ما يتوزع الزيت كويس بين الدقيق
3. ضيفي الماء بالتدريج واعجني كويس ختى تحصلي على عجينة طرية وجيدة
4. اتركي العجينة ترتاح لمدة ساعة
5. قطعي العجينة لقطع  ثم ابرمى القطع وقطعيها بالحجم والطول اللى عايزة البقسماط عليه
6. في صينيه الفرن ادهنيها بالزيت ورصي فيها البقسماط   ورشى عليها سمسم او لو عايزة حبة البركة او كمون حب ثم  اتركيها نص ساعه كمان ترتاح فى الصينيه
7. دخليها فى فرن على حراره 180  لمده 15 دقيقه  وبعد ما يستوى خرجى البقسماط وسبيه فى الهوا عشان ينشف ويبقى مقرمش ولذيذ.

فوائد السمسم

خفض الكوليسترول:

يمثل السمسم أهمية كبيرة لـ صحة القلب و الأوعية الدموية، لاحتوائه على نسبة عالية من الدهون غير المشبعة والتي تساعد على خفض نسبة الكوليسترول الضار بالدم.

تقوية المناعة:

يساهم السمسم في تقوية الجهاز المناعي، بفضل محتواه العالي من الزنك والسیلینیوم والنحاس و الحديد وفیتامین B6، وجميعهم من العناصر الغذائية التي تساعد على زيادة كرات الدم البيضاء المسئولة عن مكافحة مسببات الأمراض، مثل البكتيريا والفيروسات.

الوقاية من هشاشة العظام:

يعد السمسم من البذور التي تساعد على تقوية العظام وتحميه من الإصابة بالكسور والهشاشة لأن نسبة الكالسيوم المتوفرة به تعادل الجرعة الموجودة بكوب من الحليب.

مفيد لمرضى الضغط المرتفع:

ينصح الأطباء، مرضى الضغط المرتفع، بإدراج السمسم في نظامهم الغذائي، لاحتوائه على عناصر غذائية تساعد على خفض الضغط المرتفع والسيطرة عليه، مثل الماغنسيوم و فيتامين هـ.

ضبط السكر بالدم:

يتميز السمسم باحتوائه على عناصر غذائية تساعد على ضبط نسبة السكر بالدم، مثل الألياف والبروتين والدهون الصحية، هذا بالإضافة إلى مركب pinoresinol الذي يقلل من فرص الإصابة بداء السكري.