طريقة عمل طاجن الجمبري في الفرن

هنقدملك طريقة عمل طاجن الجمبري في الفرن سريع و سهل و مش هياخد وقت و الطعم رائع

طريقة عمل طاجن الجمبري في الفرن

المقادير:

• كيلو جمبري
• 2 بصلة مقطعين شرائح
• 2 طماطم (مقطعة شرائح) + 2 حبه مقطعه صغير جدا او مبشورة
• 3 حبات فلفل الوان شرائح
• جزرة مبشورة
• 2 ملعقة صغيرة مستردة
• حزمة كزبرة أو شبت
• معلقتين كبار عصير ليمون
• رشة ملح و فلفل و بهارات و زعتر
• 2 ليمون مقطع شرائح
• عصير ليمونة
• 6 فصوص ثوم مدقوق او مفروم
• ملعقة صغيرة كمون

الطريقة:

1. يغسل الجمبرى جيدا و يشق من منطقة الظهر لازالة خط الرمل او احشاؤه و يشطف بالماء
2. ثم يتبل الجمبرى بالملح و الفلفل و رشة كمون و عصير الليمون و الثوم و المستردة او الخردل
3. و تقلب جيدا ثم ندهن صينية زيت و نضع الجمبرى و شرائح البصل و الطماطم و الفلفل الالوان و شرائح الليمون و باقى المكونات
4. يسخن الفرن على درجة حرارة عالية ثم توضع الصينية لمدة 10 دقائق على الاكثر و نكون مشغلين الشواية كمان يدوب تاخد لون بس لان الجمبرى مش بياخد وقت
5. و تقدم ساخنة مع الارز الصيادية وبالهنا

طريقة الارز الصيادية:

1. بنحمر بصلة فى ملعقتين زيت حتى يصبح لونها بنى ثم نضيف رشة صغيرة قرفة ونضيف 2 كوب ماء وملعقة ملح ونترك الماء حتى يغلى
2. ونغسل الارز ونصفيه ونضيفه للماء المغلى حوالى 2 كوب ارز ولما يتشرب الارز نهدىء النار ونغطيه لحد ما يسوى بالهنا
3. طبعا لو ارز بسمتي هيكون مقدار الماء ضعف مقدار الارز يعنى لو كوب ارز بسمتى هياخد حوالى 2 كوب وربع ماء