لو انتي بتشتغلي دايما هيكون في بالك هطبخ ايه النهارده بعد الشغل بسرعه وتكون في نفس الوقت حاجه لذيذه والاهم مغذيه ومفيدة. وفى هذا المقال هنقدم ليكى طريقة عمل وجبةلذيذه وسهله وممكن تعملى كميي في يوم اجازتك وتخزنيها في الفريزر كل كيس على قد وجبة وتطلعيها تحطيها في صينيه عالفرن ويبقى الاكل جاهز بدون عناء. في هذا المقال طريقة عمل فراخ مشوية بالبطاطس والاعشاب وصفة سهلة بدون عناء تحضير الطعام في المطبخ.
طريقة عمل فراخ مشوية بالبطاطس والاعشاب
المقادير:
كمية تكفى 4 افراد
- فرخة متوسطه الحجم ومتقطعه 4 ارباع .
- 3 حبات بطاطس مقشره ومقطعه شكل وينجز او قوارب
- 3 ملاعق خل ابيض كبيره
- 3 ملاعق عصير ليمون
- 2 مل كبيرة مسطردة
- مل صغيره ثوم بودر
- مل صغيرة بصل بودر
- مل صغيرة ملح
- مل صغيرة فلفل اسود
- مل كبيرة زعتر
- مل كبيره اكليل الجبل
- مل كبيرة ريحان
- مل كبيرة زيت زيتون
طريقة عمل فراخ مشوية بالبطاطس والاعشاب:
اغسلي الفرخة كويس بالملح والخل والدقيق عشان تشيلي اي ريحة فيها او دم
حضري تتبيلة الاعشاب كالتالي:
- ضيفى الخل مع الليمون مع المسطرده مع زيت الزيتون وقلبي كويس ثم ضيفى كل التوابل و الاعشاب من ريحان واكليل الجبل (الروز ماري)، الزعتر، الملح، الفلفل الثوم، البصل بودر، المستردة تبلى بيها الفراخ و قوارب البطاطس.
- سبيها في التتبيله في التلاجه على حسب وقتك ما يسمح بس، كل ما تقعد اكتر تشرب التتبيلة وتبقى احلى هذه خطوة مهمة للتأكد من أن الدجاج يمتص العصائر ويكون رطبًا وطريًا بشكل لذيذ
- على شوايه سخنه اشوي الفراخ و قوارب البطاطس او في صينيه مدهون زبده رصيهم وحطيها في الفرن لمدة 40 دقيقه. وبالف هنا وشفا .
توفر كل 100 جرام من صدر الدجاج المشوي منزوع الجلد 143 سعرة حرارية، و3 جرامات من الدهون وجرامًا من الدهون المشبّعة، أما الـ100 جرام من لحم الورك المشوي فتحتوي على 165 سعرة حرارية، و8 جرامات من الدهون، وجرامين من الدهون المشبّعة، ويعتبر النوع الأخير من الدهون غير صحي.
