النهاردة هتبقي أستاذة في طريقة عمل المشويات كفتة وشيش وفراخ

جوزك دايما يقول مشويات بره احلى ؟ كان زمان .عشان النهاردة هتبقى استاذه مشويات كفته و شيش و فراخ. لان الاسرار والتكات والحركات هنا عندنا وبس . النهاردة هتبقي أستاذة في طريقة عمل المشويات كفتة و شيش و فراخ .

طريقة عمل المشويات بتتبيلاتها المختلفة

اولا: تتبيله الكفته المشويه اللى هتخلى الكفتة تجنن

الطريقة:

لكل كيلو لحمه مفرومه  ويفضل لحم ضاني زى محلات المشويات لانها دسمه نضيف 2 بصله مفرومه ناعم جدا  ومعصورة من ماء البصل اى التفل فقط.

ثم نضيف ملعقه كبيره ملح  وملعقه صغيره فلفل اسود وبشر جوزة الطيب  وملعقه صغيره بابريكا وملعقه صغيره صلصله طماطم  وملعقه صغيره خل وربع فنجنان عصير ليمون  ونصف كوب بقدونس مفروم ناعم.

اعجني اللحمة مع كل التوابل دى. واتركيها فى الثلاجه حوالى 4 ساعات .ثم تصبع على سيخ حديد.

وتسوى فى فرن سخن.

ثانيا: تتبيله الفراخ المشوية

الطريقة:

لكل فرخه مقطعه 8 قطع ونظيفه .ضيف تتبيله عباره عن فى الكبه حطى 2 بصله متوسطه الحجم + 2 طماطم بدون قشر + ملح + فلفل + كمون + ربع كوب زيت + ملعقه كبيره كاتشب + نصف كوب زبادى + 4 فص ثوم + ربع كوب خل. ونترك الفراخ 4 ساعات فى التتبيلة ونشويها فى الفرن.

ثالثا: الشيش طاووق

الطريقة:

لكل كيلو فراخ بانيه مكعبات . نضيف تلك التتبيله  كوب زبادى +بصله مفرومه + 3 فص ثوم + ملعقه كارى + ملعقه شطه +ملعقه صغيره سماق.

وتترك قطع الدجاج فى التتبيله لمده 4 ساعات ثم توضع فى الاسياخ الخشبيه مع قطع الفلفل والبصل والطماطم. وتسوى فى الفرن او على الجريل.