ابنك او بنتك كبروا وعندك حاجات البيبي ومش عارفة تعملي بيها ايه زي السرير والمشاية والكرسي وحاجات تانية عندنا افكار اعادة استخدام حاجات البيبي روعة لاعادة تدويرها بدلا من رميها.
اعادة استخدام حاجات البيبي بأفكار روعة
ملابس الطفل
طبعا معظمها هنتبرع بيها للمحتاجين وخصوصا ملابس الشتاء لكن ممكن بعض الفساتين الصغيرة نملئها فايبر ونقفلها ونعملها كرة رأس وشعر صوف وتبقى عروسة جميلة لبنتك تلعب بيها
كرسي الطعام
كرسي الطعام الخاص بالبيبى مثل الصورة ممكن نزيل الطبقة العلوية ونعمله طاولة لـ مذاكرة طفلك او للعب الصلصال عليها مع وضع كرسي مناسب لحجمه وازالة الكرسي الصغير الذى يمكن ان نستخدمه منضدة صغيرة على مزهرية او لعبة
سرير الطفل
يمكنك إزالة القطعة الأمامية وتعليقها بالمطبخ كلوحة لتعليق الاشياء عليها اما باقى السرير فسيكون كنبة او اريكة جميلة فى غرفة البيبي
او ممكن سرير الطفل نضع الرف بالوسط ونعملها طاولة و مكتبة او طاولة مذاكرة او جلسة جميلة بـ الحديقة
وممكن تكون صندوق العاب لطفلك ومكتبة
جوارب الطفل والكولون
الجوارب ممكن نستخدم منها فى تلميع الاشياء او حشوها فايبر وعمل عرائس من الجوارب والكولون او لو عندك شرابات او جوارب كتير وصليهم ببعض بالخياطة واحشيهم فايبر واعملى لعبة الدودة المفضلة عند اولادك
شنطة البيبي
ممكن نكسيها اى قماش مختلف مثلا جينز او اى نوع ونستخدمها شنطة او حقيبة رياضية لطفلك للنادى او نستخدمها احنا كحقيبة نسائية وابدعي
طاولة تغيير الحفاضات
بعد انتهاء مرحلة ارتداء طفلكِ للحفاض، يمكنكِ استغلال طاولة تغيير الحفاضات في حفظ بعض الأغراض المنزلية، أو تحويلها إلى مكتب صغير لطفلكِ مع بعض التغييرات البسيطة.
مشاية البيبي
سوف نزيل من مشاية البيبي العجلات ونضع عليها كرتون ملون او دائرة بلاستيك عن طريق لصقها ونجعلها طاولة صغيرة لطفلك ايضا
نرجو ان تكون الافكار قد اعجبتكم
