افكار لعمل مقلمة للطفل رائعة لتشجيعه على المدرسة

هنقدم أفكارًا لعمل مقلمة للطفل رائعة لتشجيعه على المدرسة، وكمان لما يساعدكِ فيها هيحس بقيمتها، ومن أشياء بسيطة هنعملها ومتوفرة في معظم البيوت.

افكار لعمل مقلمة للطفل رائعة لتشجيعه على المدرسة

أسهل طريقة بتكون من الأشكال الأسطوانية المتوفرة لدينا زي رول المناديل، ممكن نغلفه بأي لون قماش أو ورق ونعمل عليه أشكال أو نقصه مشرشر من تحت، وطبعًا هنسد القاعدة بدائرة من الورق بعد لصقها.

وده بعد ما عملنا 3 ورسمنا عليهم بالقلم الأسود، وعملنا القاعدة مشتركة من ورق كرتون أو أي دائرة خشبية، وكل مقلمة نضع فيها حاجة، مثل: واحدة للأقلام التلوين، وواحدة للمقص واللاصق وأدوات الأنشطة، وواحدة للأقلام الرصاص والقلم الحبر أو الجاف.

وده الشكل لو لصقنا عليها ورقًا ملوّنًا.

من علبة الشامبو القديمة ممكن نقصّها مثل الشكل ونعمل منها مقلمة على شكل وحش، ونضيف عيونًا وأسنانًا ونعلّقها في الحائط أو نلصقها.

ودي فكرة أخرى لاستغلال علب الشامبو القديمة.

ودي فكرة لعمل مقلمة من الزجاجة البلاستيك، هنقصها ونعمل منها عُلاقة ونطليها ونلوّنها. ممكن نلوّنها بألوان الطلاء أو ممكن بالمانيكير (طلاء الأظافر) أو إسبراي رش.

من رول المناديل نغلفها بورق ملوّن مقوّى ونعمل أجنحة فراشة من الورق المقوّى ونلصقها.

ونزيّن الوجه وتبقى مقلمة، وممكن الطفل يعملها كنشاط مفيد له.

وده شكل آخر للتغليف ونلصق عيون جوجل.

وفي فيونكات تُباع بالمكتبات ومحلات بيع أدوات الخياطة، وفي وردات صغيرة أيضًا يمكن لصقها لبنوتة على المقلمة.

وممكن من أي علبة لبن أو علبة بلاستيك نغلف المقلمة ببواقي جينز قديم، وده مناسب جدًا للأولاد.

لو عندكِ جينز قديم ممكن نغلف به كراسة أو كتاب، والجيب يكون للأقلام، وممكن نغلف بالجيوب مقلمة.

علب الحليب برضه ممكن نلوّنها أو نطليها ونرسم عليها.

وممكن نلصق كورًا من القطن على العلبة وعيون جوجل وقماش جوخ وشريط فيونكة، ويبقى شكل كلب جميل يشجع الطفل على الدراسة.

للبنات، من قماش الخيش والوردات نغلف علبة، وهتبقى رقيقة جدًا ومناسبة للبنات في كل سن.

مقلمة قماش

هنعمل من كل وجه طبقتين قماش فوق بعض عشان تبقى محمّلة وقوية، نقفلها من الجوانب بالخيط والإبرة ونركب لها سوستة، ونخيط أو نلصق عليها أي دبدوب صغير أو قلوب أو أي إكسسوار.

ودي مقلمة من الجينز، عشان قماش الجينز قوي، هنعملها من طبقة واحدة وش وظهر.

ودي مقلمة من الكروشيه لمحبّي الكروشيه.

مقلمة مكتب من كتاب قديم.

نرجو أن تكون الأفكار قد نالت إعجابكم، عام دراسي سعيد ومريح، اللهم احفظ أولادنا.