افكار من التيشرتات القديمة جميلة لأطفالك بالصور

إصنعى افكار من التيشرتات القديمة جميلة لأطفالك بالصور اسعدى طفلتك بصنع فستان شنطة جميلة وشيك من التيشرت القديم اللى صغر عليها او موضته راحت مش هتتكلفى فلوس بس هتحسسى بنتك انك بتحبيها وتهتمى بيها والخطوات مصورة

افكار من التيشرتات القديمة جميلة لأطفالك بالصور

سوف نحتاج الى

• تيشرت لونه مبهج
• 2 زرار لونه مناسب
• مقص
• ابرة وخيط

الطريقة

هنحضر التيشرت على منضدة ليسهل تقطيعه

نبدأ بقص الجزء السفلى كما بالصورة لاستخدامه فيما بعد

نزيل الاكمام عن طريق فك الخياطة او قصهم و يكون مقلوب على الضهر ونخيط الاطراف تقفيل من جوه بالخياطة عشان شكلها يكون حلو وبكده الشنطة من الجوانب تكون مقفولة كمان

وده شكل التيشرت وهو مقلوب على الضهر بعد قصه نبدأ بخياطته من تحت وتقفيل الجزء الاسفل لاننا اذا خيطناه على الوجه الخياطة هتظهر

وبعد كده هنقلبه على الوجه مش هيبان الخياطة لانها من جوه

الجزء الاسفل اللى قطعناه هنستخدمه كحمالة او حامل الشنطة يتم طيه على نفسه هكذا

ثم يتم حياكته او خياطته زى الصورة مجرد تقفيل عشان الشكل وطبعا من الضهر الخياطة دائمة ونترك الطرف الصغير مفتوح ليسهل قلبها على الوجه بعد الخياطة

بعد ما قلبناها نقفل بغرزة للداخل الجزء اللى تركناه مفتوح لقلب الشريط او الحمالة

نأخذ كل طرف ونحيكه او نخيطه على كتف التيشرت او حمالة التيشرت ونضع على الغرزة زرار لونه مناسب ليخفى شكل الخياطة ويعطى مظهرا جميلا ويوضع ازرار على شكل حيوانات وفواكه وازرار اذا اردتم

وده شكل الزرار بعد ما عملناه

وده الشكل النهائى للشنطة

ممكن استخدام التيشرت ايضا فى عمل شنط للكبار للتسوق عن طريق تقفيلها من تحت و لبس الحمالات كما بالصورة

ارجو ان تعجبكم الفكرة

 

إصنعى لطفلتك فستان جميل للخريف من التيشرتات القديمة والخطوات مصورة

اصنعى لطفلتك فستان جميل للخريف من التيشرتات القديمة والخطوات مصورة فكثيرا ما نرمى التيشرتات التى قدمت او تقطعت لما لا نعيد استخدامها وتسعدى بها طفلتك

سوف نحتاج الى

• بواقى قماش او تيشرتات قديمة
• اشكال لطبعها على الفستان او وردات
• طلاء

الطريقة

هنعمل الفستان طبقات بس معظم التيشرتات بتكون سادة هناخد الطبقة اللى تحت من كل تيشرت ونشكلهم وننسق الالوان وممكن نرسم عليهم او نطبع عليهم بالطلاء اشكال زى ما هنشوفها بالصور ومتخافوش مش بيطلع بالغسيل

ونعمل طبقة اخرى بتيشرت اخر وممكن نلصق ورود على الطبقات او اشكال او العاب

و ممكن نلون بالقلم طبقة تالتة

نقص توب من تيشرت البنوتة القديم

نبدأ نجمع الطبقات ونحاول ان تكون الطبقات العلوية اصغر من السفلية عشان تدى شكل حلو والخطوة تكون واسعة ونخيطهم بس انا هخيطها الطرف يكون من الخارج مش من الداخل هتدى شكل احلى وممكن على طرف كل طبقة نعمل شريط ستان بدوران الجيب او شريط دانتيل

ونبدأ نجمعهم على التوب ونحاول يكون المقاس متوازن  ومتساوى

فى فرق بسيط حوالى نص بوصة من كل جهة فى الجيب ده عادى لاننا هنلمه بالخياطة مع التوب من الخارج التوب حرفه هيكون من الخارج وحرف الجيب يدخل تحتها و يخيط مثل الطبقات

ودى صورته بعد ما خيطناه

وده شكله من الخلف

نرجوا ان تكون اعجبتكم الفكرة