أفكار رائعة و انشطة من الاكواب للطفل من عمر 3 سنوات حتى سن المراهقة، وهتفيدك في تزيين المنزل وغرفة الطفل، وكمان حلوة لزينة رمضان، وهتساعدي طفلك وتنمي مهاراته.
أفكار رائعة و انشطة من الاكواب للطفل
سوف نحتاج إلى:
- خرز كبير الحجم
- أزرار
- عيون جوجل
- ورق مقوى
- مقص
- ألوان
- لاصق ورق استيك أو غراء
للإضاءة:
ممكن نغلف الأكواب بأي ورق ملون عن طريق لصقه، ثم ثقب قاعدة الأكواب ووضع فرع إضاءة من اللمبات الصغيرة. وده بيبقى شكله حلو قوي ومناسب لزينة رمضان وغرف الأطفال، وممكن نعلق هذا الفرع في البلكونة، هيدي شكل حلو قوي.
وده شكل تاني، طبعًا إحنا بنثبت اللمبات من السلك بلاصق الشيكرتون الخاص بأسلاك الكهرباء من الداخل.
دي زينة لغرفة الطفل: بنعمل أفرع صغيرة من الخرز وندخل الإبرة ونربط طرف الفرع من الداخل، ونعمل حول دائرة الكوب ونرسم أشكال.
أو نزين بالخرز ونعلق فيها سلكًا أو حبلًا رفيعًا، نربطه من الداخل بعد عمل ثقب فيه لتمرير الحبل، ونعلقه في غرفة الطفل أو في سرير البيبي.
الزرع:
من أحلى وأجمل الأشياء إننا نعلم أولادنا يزرعوا ونحببهم في الزراعة، لأنها بتعلمهم العطاء والصبر حتى يحصدوا، وإنهم يراعوا النبات لأنه كائن حي. ممكن نستخدم الأكواب في عمل أصيص صغير للزرع، ونزين العيون والفم بالورق لتشجيع الطفل على الزراعة.
ودي فكرة لكِ: لعمل مجموعة أصيصات من الورد لتزيين البلكونة أو الشرفة، وطبعًا بنعمل ثقوب من الجانبين لربط حبل بها ونعلقهم في استاند، ونسقيهم كل يوم. شكلهم روعة.
ألعاب وأشكال سهلة:
ده شكل البطريق، تقدري تعمليه مع طفلك بسهولة. هتحتاجي لون أسود نلون به الكوب، وورق مقوى لعمل الأنف والأجنحة والجسم الأبيض والأرجل، ولاصق.
وده بالمقص تم قص أحرف الكوب بالطول شرائط، ولصقنا زرار وعملناها قبعة، ولصقنا عيون جوجل وأنف وأرجل من الورق المقوى.
بالألوان فقط ممكن نرسم شكل أيضًا.
وممكن عيون جوجل مع استيك مطاطي نلصق به العيون، ونضعه حول الكوب، ونرسم فمًا وشعرًا بالقلم الفلوماستر.
وممكن نلصق شرائط ورق كوريشة في الكوب، ونرسم عليه، ونعلقه بحبل قصير.
وده شكل الأرنب بالورق والألوان واللاصق.
وده بشرائط رفيعة بنلصقها باللاصق للأذن، ونلون أشكال الحيوانات وديكور للغرفة.
أو نعمل أشكال وردات بقص نصف الكوب شرائط طولية، ولصق في القاعدة خرز أو أزرار، ونضع به عصا، فيكون شكل الورد لغرفة الطفل.
ودي سلة للحلوى بنفس فكرة الوردة بالطريقة بالصور، ونضع على جانبيها عصا العصير الشاليموه وفيونكة. ودي أكواب من الورق الخاصة بالقهوة، بنلونها بالألوان المائية.
ودي فكرة أخرى لتقديم الحلوى: نقص الكوب شرائط رفيعة بدون أن نصل للقاعدة، ونلف كل شريط حول نفسه ونلصق.
ونعمل وردات ويد السلة مثل الصورة. ودي الأولاد في ابتدائي وإعدادي هتعجبهم وينفذوها، والخطوات بالصور.
وعصا المارشميلو ممكن تكون في سلة بابا نويل، وبرضو هنزينها بالورق المقوى والألوان والمناديل الورقية، أو نلصق قطنًا أبيض.
وطبعًا ممكن، لو عندك صينية كب كيك لا تحتاجيها، نضع بها أكواب لحفظ الأدوات المكتبية والأنشطة.
يا ربّ الأشكال تعجبكم.
