كلنا بنحب نجدد في شكل البيت كل شويه بس مش لازم نجدد يعنى نغير العفش ونرمى القديم ممكن بأضافات زكيه هتخلى شكل الصاله والانتريه كانهم اتغيروا وبحاجات نعملها احنا بنفسنا وهتخليكى تفخرى بعفشك قدام ضيوفك .تعالوا نعرف طريقة تجديد شكل الصالة والانتريه بخطوة بسيطة ؟
تجديد شكل الصالة والانتريه بخطوة بسيطة
الطريقة الاولى:
ممكن نغير السجاده نفسها بس منروحش نشترى سجاده ب 800 او 900 جنيه احنا نعمل سجاده صوف جميله متكلفناش 50 جنيه
وطبعا برضوا نختار الوان تليق على الانتريه فمثلا لو الانتريه لونه احمر ممكن نعمل السجاده اسود في رمادى في ابيض هتنطق الانتريه وتخلى لونه يبان لو الانتريه موف ” ممكن نخلى لون السجاده تدرجات لون الموف والروز هيبدى شكل جنان للانتريه ”
الطريقة:
1- اشترى حوالى 10 بكرات صوف بالالوان اللي انتى تختاريها وتكون لايقه على انتريهك.
2-اشترى قطعه من قماش شبكه مفرغ بحجم السجاه اللي انتى عايزاه وليكن ” متر في 2 متر ”
3- على قطعه كرتون قصى شكل دايره ولفى حواليها الصوف عشان تعملى كور هي اللي هتكون اساس للسجاده بالشكل اللي في الصورة .
4- وثبتى فيها خيط تقدرى منه تخيطيها في الشبكه .
5- اعملى كميه كبيره من الكرات الصوف بالالوان اللي انتى اختارتيها وخيطيها على الشبكه بالشكل المتناسق ” مثلا كوره حمرا وكوره سوده او كورتين لون وبعدهم لون تانى ”
الطريقة الثانية:
لو عندك انتريه ساده وحاسه فيه بالملل تعالوا نتعلم أزاي نعمل مخدات ورود او ممكن قلوب ملونه تضيف شكل جميل وشيك للانتريه وططبعا تراعى تناسق الالوان” مثل لو انتريهك بنى اعمل مخدات صفرا وبرتقالى هتنور شكل الانتريه وتخليه كأنه جديد.
أزاي؟
1- احضرى ربع متر من كل لون انتى عايزاه ولو عندك شويه اسفنج من مرتبه قديمه او من مخده اتبططت خدى الفايبر اللي فيها واستخدميه .
2- قومي برسم باترون او مجسم على ورقه لوح بالشكل اللي انتى عايزاه عشان كل المخدات تطلع نفس الحجم ويبان منظرها الجميل .
3-احشيها بالفايبر او الاسفنج او ممكن بواقى قماش من عندك وارجعى خيطيها وقفليها ورصيها على الانتريه هتلاحظى الفرق بنفسك وكل ضيوفك هيحسوا بالتغيير.
