خطوات عمل عروسة لعبة بالخطوات مصورة، اعمليها لبنوتك عروسة لعبة تحفة زى اللى بتشتريها من محلات الالعاب ولكن بتكلفة اقل بكتير وكمان الحجم اللى بتحبيه كل ده بالخطوات مصورة.
خطوات عمل عروسة لعبة بالخطوات مصورة
سوف نحتاج إلى:
- ابرة وخيط
- قماش جوخ او اى نوع لجسم العروسة
- بكرة خيط صوف للشعر
- مقص
- الوان فلوماستر لرسم الوجه او عيون جوجل للعيون
- ورق مقوى لرسم الهيكل
- قماش عمل ملابس العروسة او فستان لبيبى صغيرة
- قطن فايبر للحشوة
الطريقة:
هنرسم جسم العروسة على الورق مثل الصورة ونقصه ونحدده على القماش بالقلم وش وضهر يعنى كل قطعة طبقتين
بعد قص الجسم هنخيط القماش على الضهر مع ترك فتحة لادخال القطن منها فى كل قطعة
من الفتحة دى هنقلب الجسم على وجه القماش ونبدأ بحشوه بالقطن
بعد ما حشينا الجسم و الوجه هنقفل المكان اللى حشينا منه بالخيط والابرة
هنبدأ بعمل شعر العروسة من الخيط الصوف
هنعمل جيب العروسة من قطعة قماش نعملها كلوش او ممكن نستخدم فستان بيبى صغير حسب حجم العروسة
هنركب كل الجسم بالخياطة وممكن نعمل شريط ستان على الخصر
بعد ما ركبنا الشعر بخياطة الخيط الصوف فى الراس نعمل دائرة كبيرة ونلبسها لرأس العروسة ونلف حملها شريط ستان بفيونكة لعمل قبعة العروسة سهل خالص
وكمان هنرسم العيون والشفايف والانف او نركب عيون جوجل المتحركة متوفرة بالمكتبات
وده الشكل النهائى أرجو أن تكون سهلة وتعجبكم
وممكن نشغل العيون بعد رسمها بالخيط
ودى فكرة اخرى للشعر والعروسة لابسة جوانتى ولكلوك بيبى وفستان بيبى
وممكن تعمليها مشروع صغير لك و ودى طريقة اخرى للتوضيح
وممكن تركبى الشعر كده هتحتاجى ابرة بثقب واسع او تلصقى الشعر بمسدس الشمع
