هنقدملك طريقة جديدة للرسم وهى طريقة الرسم بالملح وكمان هنلونها عشان أطفالك يستمتعوا بالرسم والتلوين بطريقة جديدة ومختلفة . الرسم من الهوايات المفيد والممتعة للاطفال .بنحاول نجدد فى طريقة التلوين واستخدام خامات متاحة لنغير من روتين الرسم المعتاد ،لكِ وصفات علشان تعملى العاب جديدة لطفلك بالألوان وبطرق سهلة وبسيطة . خلى طفلك يبدع ويلون وفى نفس الوقت تجديد لألعابه
طريقة الرسم بالملح و ألعاب جديدة لطفلك بالألوان
اول لعبة هى الفقاعات الملونة
المكونات:
فقاعات الاستحمام
الوان طعام او الوان اللى من سهل غسيلها بالماء
ماء
الطريقة :
حطى كمية متساوية من الفقاعات والماء معا
استخدمى طب الكب كيك عشان تحطى فيه الوان كتير
وبعدين اضيفى نقطين من الالوان على كل واحدة
استخدمى شاليمو عشان تعملى فقاعات قبل ماتديها لطفلك
طفلك هيحب اللعبة دى جدا وممكن تديهالو وهو بياخد حمام او بره الحمام ولو عندك طفل كبير ممكن تديلو الشاليمو
عشان يعمل فقاعات اكتر
اللعبة الثانية هى الطلاء اللامع :
مكوناتها:
فقاعات الاستحمام
جليتر
ماء
الطريقة:
نخلط المكونات فى وعاء معا واعطى لطفلك فرشاة طلاء وهيلون احلى الالوان الامعة واللعبة دى بتبقى مفضلة للبنات اكتر لانها فيها جليتر
اللعبة الثالثة هى الفوم الملون
المكونات:
فوم حلاقة
الوان طعام او الوان مصنوعة فى المنزل
الطريقة:
نقلب في علبة او وعاء بعض الفوم مع كل لون حس الالوان اللى انتى عيزاها او طفلك بيحبها وممكن كمان تعملى الوان فى بعض
وممكن تخلى طفلك يلعب بكل الالعاب دى قبل ما ياخد شاور عشان يستمتع بالاستحمام بعد كدة
اللعبة الرابعة هي الرسم بالملح الملون
المكونات:
1- صمغ
2- ملح
3- الوان طعام ومياه
4- فرشاه تلوين
5- ورق مقوى او ورق كارتون
الطريقة:
1- نرسم بالصمغ على الورق
2- نرش الملح على الرسمة ونسيبها تنشف
3- نجيب الوان الطعام ونحط شوية ميه عليهم فى برطمان او اى علبة ونعمل الالوان اللى عايزنها
4- اعطى الفرشاة لطفلك وخليه يبتدى يلون بمعرفته
فوائد الرسم للأطفال :
يعتبر الرسم هو اداه تواصل بين الطفل والمجتمع لانه بيعبر عن نفسيته وشخصيته بالرسومات . بيعبر عن اشياء لا يتحدث عنها الطفل .حتى ممكن ان نعرف حالته النفسية من رسوماته . كما انها مفيده ان الطفل بيفرغ طاقته السلبية او حتى الايجابية عن طريق الرسم . وتعالج الانطواء عند الاطفال
يمكنك ايضا مشاهدة طريقة عمل الرمل الملون من هنا
