من قماش الجوخ طريقة عمل كتاب تعليمي للاطفال بافكار كتير تقدرى تعلميه الحروف او حتى اساليب النظافة او اشارة المرور او صورة بابا وماما و طفلك هيتعلم منه ويحبه
طريقة عمل كتاب تعليمي للاطفال
مميزات الكتاب
من مميزات الكتاب القماش انه مناسب لعمر الطفل من 6 شهور الى 6 سنوات او اكتر حسب ما بداخله من تدريبات ومعلومات لانه غير قابل للقطع مثل الورق وكمان الطفل بيتعملم منه حاسة اللمس ازاى ينميها
هنحتاج الى
قماش جوخ الوان
ورق مقوى او ورق بلاستيك اللى بيبقى فى الملفات البلاستيك او الدوسيه
مقص
خيط وابرة
شرائط ستان او اى اكسسوارات حسب الصفحة وممكن عيون جوجل
الطريقة
يتم تقطيع القماش مستطيلات طويلة الطول 30سم × عرض 10سم
ثم نجمع كل مستطيلان ببعض ونخيطهم من كل الجوانب ماعدا جانب واحد
نقطع ورق مقوى او بلاستيك بحجم المستطيل ونحشى به كبطانه كما بالصورة
ثم نخيطه من الجانب المفتوح
تكرر نفس الطريقة مع اربع مستطيلات او اكثر كما تفضلى
نأخذ المستطيلات ونضعهم فوق بعض ونخيطهم ببعض من المنتصف ليشكلوا لدى صفحات كتاب كما بالصورة
ممكن نكويه على اقل درجة عشان يصبح شكله منسق اكثر
الصفحات واشكالها
ممكن نقطع اشكال الشمس والوان الطيف والسحب ونخيطها على صفحة ونعمل وردات
او نعمل حيوانات ونخيطها فى صفحة ونعمل غابة حولها ونعرف الطفل على اسماء الحيوانات وممكن فى العاب زى الصورة
دى للطفل مفيدة جدا لتعليمه الساعة وممكن نخلى العقارب الساعة بلاستيك او من الجوخ ومبطنة ورق مقوى وبتلف
دى حلوة اوى لتعليم الطفل العد باننا بنعمل فى كل سطر رقمين وتحت الغطا عدد الطفل يعده ويختار اللى يناسبه
طريقة عمل كتااب تعليمي للاطفال من قماش الجوخ بأفكار كتيرودى تشجع الطفل على غسل الاسنان ونضع عيون جوجل للقرد والفرشاة من القماش الجوخ ومبطنة بورق مقوى ونخيط فيها شعر او فروة
طبعا ممكن من اى قماش مش لازم الجوخ ممكن جينز مثلا
نرجو ان نكون قد افادناكم
