احيانا بنتكلم مع اطفالنا كأنهم من نحاس او حديد او حجر مبيحسوش بالكلام اللي بنقوله ولا هيفرق معاهم او يأثر على نفسيتهم ونضطر اننا نطلق السنتنا تقول ما يحلو لها وفي هذا المقال سنتعرف على ايجابيات التحدث مع الاطفال بخمسة طرق
ايجابيات التحدث مع الاطفال بخمسة طرق
اولا: تكلم بصيغة ” أنا ” وليس ” انت “
احيانا لما بنزعل من اطفالنا بنوقل اصلك انت كذاب اصل انت هتفضل طول عمر جبان انت طول عمرك خيان ودة اخرك
انت كسلان انت غبي انت مش نافع انت شقي انت قليل الادب ونفضل نكلم اطفالنا طول اليوم بصيغة ” انت و انت ”
وده غلط المفروض لو اطفالنا ساءوا التصرف في حاجة معينة نقول ” انا زعلانة انك بتعمل كدة مع اخوك
حبيبك انا مضايق انك خبيت عليا الحاجة دي انا كان نفسي تجب درجات احسن الشهر دة في الامتحان
مش انت فاشل انت غيران من اخوك فبتضربه انت قليل الادب انك تكلمني بالطريق دي كل دي كلمات غلط واساليب غلط لازم نبدلها بطريقه الطف ومتأذيش مشاعر اطفالنا .
ثانيا: قول احساسك
اشرح احساسك للطفل اللي زعلك منه وقل له انا كنت مستني منك انك تعمل الموضوع دة بطريقة احسن
انا مضايقة ان اوضتك ملخبطة وخلي طفلك يوصله احساسك من كلامك لان ساعتها هيحس بالذنب وهيحاول يعدل سلوكه عشان تفضل مبسوط منه
ثالثا: التشجيع مثل شروق الشمس لاطفالنا
خليك دايما معلق إيجابي مش بس ناقد بتبص لنص الكباية الفاضي في يوم طفلك وتلومه وتأنبه عليه
لكن الحاجات الحلوة مش بتشوفها او بتعلق عليها وده بيزعل ابنك جدا ويحس انه مش متقدر وانه
متشاف بس من عيوبه مش ميزاته لكن ياريت نغير النظر دي النهاردة ونتعلم نشجع اطفالنا ونمدحهم
على الامور الإيجابية اللي بيعملوها لان الحلو الكبير اللي عايزينه يطلع منهم بيدأ بامور بسيطة يعملوها و نشجعهم على انهم يستمروا فيها
رابعا: اظهر غضبك بنبرة صوت وطريقة مناسبة
احيانا بنعبر عن غضبنا بطريقة وبصوت عالي وبعصبية تخلي اطفالنا يخافوا بل ونخلق جو رعب وزعر عند
اطفالنا لكن ينفع نأخد الطفل ونحكي معاه بنبرة هادية ونفهمه غلطة بالراحة من غير ما نتعصب
لان وقت العصبية الطفل بيخاف وساعتها مبيبقاش مركز في أي كلام بنقوله
ومش هيتعلم أي حاجة والعيب كان مجرد نبرة صوت زيادة
خامسا: دردش مع طفلك وقضي وقت للتحدث معه
اقعد مع ابنك ( وقت خاص للطفل ) مش وانت بتتفرج على التلفزيون او وانت بتعمل شغلك على الللاب
لكن حسسه انه مهم وانه حد كبير وانك بتتبسط لما تقعدوا تدردشوا سوى
وتضحكوا سوى وتحكوا في أي موضوع سوى ده هيزود العلاقة بينكم
