أهمية حضن الاب وإنك تكون جنب أبنك عاطفياً مش الشغل كل حاجة

ممكن تكون الكلمة دي غريبة عليك او مسمعتهاش بودانك من ابنك لكن لو انت متاجهله يبقى اكيد بيردد الكلمة دي جواه او شارك بيا مامته لأنك علطول مشغول عنه في هذا المقال سنستعرض اهمية حضن الاب وانك تكون جنب ابنك عاطفيا مش الشغل كل حاجة.

أهمية حضن الاب لأولادة

الاب: الو ايوة يا ام محمد انا جاي في السكة تحبي اجيب حاجة وانا جاي ولا كله في البيت.

الزوجة: لا كله في البيت متعولش هم.

الاب: طب جهزي الغدا عشان انا جعان وعايز اتغدى وارتاح عشان اصحى اكمل شغلي.

الام: حاضر من عنيا وسابت التليفون مفتوح ونسيت تقفله.وسمع الاب الحوار الساخن الاتي:

محمد: ماما هو بابا مسألش عليا ؟

الام: لا سأل طبعا يا حبيبي دا يحبك اوي.

محمد : لا يا ماما انا عارف انه مسألش عليا هو علطول مشغول عني لو كان بيحبني كان علمني الشطرنج وانا من زمان نفسى اتعلمه وقولته قالي معنديش وقت ومش فاضي.

أهمية حضن الاب وإنك تكون جنب أبنك عاطفياً مش الشغل كل حاجة

انتي عارفة ياماما هيثم صاحبي اول ما خدنا الاجازة رحت عنده العب معاه وقعدت الح عليه يعلمني.

انتي عارفة ياماما هيثم صاحبي اول ما خدنا الاجازة رحت عنده العب معاه وقعدت الح عليه يعلمني الشطرنج ولما باباه لقيني نفسي اتعلم الشطرنج قعد معايا وفهمني براحة لحد ما اتعلمت.

انا نفسي بابا يبقى زي بابا هيثم لان كل لما اروح العب مع هيثم ويجي باباه من الشغل و اول ما يفتح الباب يرمي شنطة الشغل.

ويقول: فين حضن هيثم؟

أهمية حضن الاب وإنك تكون جنب أبنك عاطفياً مش الشغل كل حاجة

ويجري عليه هيثم ويحضنه ويدخل الاوضة وباباه شايله ويقعد يلعب معانا شوية.

وهنا سمع الاب كلمة من محمد جعلت دموعه تسيل حيث قال:

محمد: عارفة ياماما اقولك على حاجه ؟ انا جعان لحضن بابا

الام: بس انت عارف انه بيرجع تعبان من الشغل وشايل حاجات كتير

محمد: عارف وسكت لان عارف الحوار معتاد ومش هيتغير حاجة وقالها انا هلعب بالتليفون بتاعك

راح بسرعة الاب قفل التليفون وقعد يبكي واتأثر من كلام محمد وقعد يفكر أزاي وصل ابنه انه يبقى جعان لحضنه كده وازاي وعمر ابنه 7 سنين مفكرش يوصله حبه ولا يقضي معاه وقت وادى النتيجة ندم الاب جدا وفكر يبدأ من النهاردة وجري يشتري شطرنج وغلفها في كيس هدية وكتب عليه ” بحـــبك يا ابني ” واسرع للبيت ودق الباب فأسرع محمد ليفتح الباب ورأى والده يقول: حضن محمد فين ؟

اسرع محمد لحضن والده واخبره والده انه احضر له شطرنج هدية وهيعوضه عن أي وقت فات فرح محمد وكان طاير من الفرحة ومش عايز يسيب حضن باباه لأنه كان واحشه جدا “فخلوا بالكوا من تصرفاتكم وتجاهلكم لاولادكم لانكم هتخلوهم يحسوا انهم اقل من اصحابهم اللي اهاليهم مهتمين بيهم خليهم يعرفوا يعنى ايه حضن بابا وحضن ماما لان لو معرفوش يشبعوا من الحب جوا البيت هيدوروا عليه برا وهيكون التمن اللي هتدفعوه غالي جدا”