اجعلي يوم العيد مميز للاطفال وذكرى حلوة تخليهم يستنوا العيد بفارغ الصبر لانهم بيحملوا حاجات كتير جميله بتبسطهم وتبسط اللى حواليهم. وياريت كمان نخليه فرصه نغرس فى اطفالنا قيم انسانيه حلوة . ولكـــن كيف؟ سنتعرف فى هذا المقال.
اجعلي يوم العيد مميز للاطفال
اولا: الاستعداد للعيد
الاطفال بتتبسط بالاستعداد للعيد مثل شراء ملابس جديده. واحذيه جديده . وتوك للشعر جديده. الحاجات دى بتبسط الاطفال جدا والافضل كمان نعلمهم لما نيجى نشترى حاجه للعيد نشترى واحده زيها عشان نديها لحد فقير ومحتاج . وخلى طفلك وهو بيختار لنفسه لبس . يختار حاجه تاني لطفل محتاج تفرحوه فى العيد .
ثانيا: يوم العيد
لازم نعود اطفالنا انهم يجوا معانا فى صلاة العيد . ونزرع فيهم حب الصلاة من صغرهم . وبخاصه الصلاه فى الجامع .فلازم نحبب اطفالنا فى الجامع ونستغل جو العيد ونخليه يجى يصلى صلاة العيد معانا .
ثالثا: حلوى العيد
احضرى مجموعه من حلويات و هدايا العيد وقدميها لطفلك بشكل جميل يوم العيد . وحلو كمان نقدم الهديه بطريقه جديده مثل فى وسط علبه حلوى او هديه بسيطه. فكلها حاجات تدخل السرور فى قلوب اطفالنا وتجعل يوم العيد مميز لهم لانه ملئ بالمفاجأت .
رابعا: جمع الملابس
ممكن كمان نطلب من اطفالنا يجمعوا ملابس صغرت عليهم او لعب زهقوا منها ونحطها فى كيس. وننزل يوم العيد او ليله العيد نديهم لحد محتاج انا عارفينه او جيرانا .
خامسا: الزيارات
لازم نزرع فى الطفل المودة وجو الالفه والمحبه .فممكن ناخده يوم العيد نزور اقاربنا … او نزور شخص مريض فى مستشفى. او ممكن ناخده فى مستشفى الاطفال ونحضر له هدايا ليقدمها للاطفال المرضى ويرى سعادتهم بعينه ليعلم كم هو عظيم ان نفكر فى اسعاد الاخرين .
سادسا: العيديه
لازم نعلم الطفل انه يدخر جزء من العيديه ويقدمها لطفل أخر محتاج ومسكين . بل ونقدم نصائح للطفل فى كيفيه صرف العيديه بحكمه وترتيب اولوياته . لان اغلب الاطفال تصرف دون وعى فرحه بكميه الفلوس التى اصبحت فى يدهم . وهنا يجب ان نعلم الطفل فن صرف الفلوس وانه يفكر يعمل بيها ايه مفيد ومهم .
