الامهات المحبطة في التربية وادائها كأم

الى الامهات المحبطة في التربية وادائها كأم هنتكلم فى هذه النقاط التى يغفل عنها الكثير وتشعر بها معظم الامهات لانها تريد ان تسيطر على عصبيتها وان تربى ابناؤها تربية سليمة ولكن لا تعرف لماذا تفشل او تشعر انها لا تستطيع

الامهات المحبطة في التربية وادائها كأم

من ناحية التربية

تحبط الام من حاجتين فى حياتها اثناء التربية اما انها بتبذل مجهود كبير وفى الاخر بتلاقى النتيجة غير مرضية وان تعبها جه على الفاضى

وفى طريق المشاكل اللى بتواجهها بتتعثر احيانا واما انها بتكون عصبية جدا مع اى مشكلة بتواجههااو طريقة تربيتها للاطفال مش بتعرف تتحكم فى عصبيتها وبالتالى بتندم وتحبط وتشعر اخر اليوم انها اذت اولادها بالاهانة او بالضرب وتقعد بليل بعد ما يناموا تعيط جنبهم او تصالحهم

من ناحية ادائها كأم

– معظم الامهات لو مكنش كلهم بيحطو نفسهم بمقارنة مع باقى الامهات دى ابنها مطيع دى ابنها مش كداب دى الخ حتى ولو فى مميزات عندها مش بتشوفها وتركز على غيرها من الامهات وانا بقولها متحطيش نفسك بمقارنة مع حد لان مفيش حد كامل وكل شخص وظروفه ولو معجبة باداء ام حاولى تكون قدوة ليكى لكن لا تؤنبى نفسك ان فشلت ممكن تقومى تانى وتعملى شىء جديد وتجربى

– كل ام ليها اهتمام معين بالنسبة لاولادها مثلا فى ام بتهتم بالنظافة والحماية من الامراض وام بتهتم بالتغذية وام بتهتم بالتربية وام بتهتم بتنمية المهارات وام بتجمع حاجتين او ثلاث حاجات كل ام وطموحها وعاوزة تعلم او تربى اولادها ازاى لذلك اكيد لازم نكون مختلفين ومتميزين عن بعضنا

– الطبيعى انك تغلطى وتخفقى وتقصرى وتغضبى وتصرخى وكمان اوقات تهينى او تضربى الطفل لكن الاهم من كده اننا نلحق نفسنا ونتدارك اخطأنا و مش نتمادى فيها ممكن تعتذرى لاولادك عادى خالص ده بيعلمهم ثقافة الاعتذار على فكرة وممكن نتكلم معاهم عن سبب عصبيتك معاهم انهم مش بيسمعوا الكلام او اى شىء ينفع يتقال لهم لكن لو سببها الاب او زوجك طبعا ممنوع نقول للاولاد عن مشاكلنا الشخصية الزوجية

كيف يدفع الطفل ثمن غضب الام ورد فعلها العصبي ؟

– شجعى نفسك دائما واعطيها حافز اعتبرى نفسك بامتحان وكافىء نفسك اما تنجحى تنجى فى كتم العصبية اذا طفل اخطأ تنجحى فى مسك لسانك من الاهانة ،تنجحى فى انك متضربيش الالاد

ويا سلام بقا لو تنجحى فى انك تاخديها ببساطة عارفة الانسانة الباردة ده حاولى تقلديها وقت المصيبة اللى ابنك عملها وقبل ما تضربيه اسالى نفسك ابنى لا كوب اتكسر مثلا او لعبة اتكسرت طبعا ابنى اهم لو قاصد يغلط هنعاقبه بس بطرق تانية متأثرش على نفسيته

– اول ما تحصل مصيبة او مشكلة استغفرى ربنا كتير واستعيذى بالله من الشيطان الرجيم عشان اعصابك تهدى

– لما حد يجى ويعدل عليكى ويقولك انت مش عارفة تربى ولا تعالى شوفى اولاد فلانة لا تحبطى ومتحاوليش انك تاخدى رايه محمل الجد لانه ينتقدك دائما انت شوفى الاخطاء والعيوب اللى عندك فى التربية او كأم وحاولى تحلى موطن موطن

أيضا:

– خصصى لكل طفل يوميا لوحده وقت للعب معاكى ولو 5 دقائق لما يغلط بعد كده خاصميه واحرميه من اللعب معاكى اليوم ده بجد بتفرق معاهم اوى مهما اظهروا ليكى انهم مش بيحبوكى بجد هما بيموتى فيكى ويحبوكى جدا على فكرة

– ممكن تشركيهم بنات او اولاد فى طبخ او عمل صنف حلويات بسيط معك هيبقوا سعداء وهيشجعهم على الاكل

– لما تحبطى من اداء ابناؤك بعد كل تعبك معاهم خدى دايما بالاسباب اللى ادت لكده اقعدى مع نفسك 5 دقائق واتكلمى بصراحة

– لا تملى من الدعاء لهم ان يكونو صالحين وبارين بك وبابيهم فى الحياة وبعد الموت

– الاخلاق الحميدة والدينية اهم شىء فى التربية ابدأى بتعاليم الاسلام وعلميهم لها والقران تأكدى ان ذلك سيساعدهم فى حياتهم والتربية السليمة كثيرا

الامهات المحبطة في التربية وادائها كأم

– المهارات الرياضية او اى مهارات اخرى لا نقارن ابناؤنا باحد فكل طفل ومقدرته مثل التفوق بالمدرسة او التفوق الرياضى

– من المهم اشراكهم فى رياضىة صيفا وحتى شتاء لان الرياضة بتحسن السلوك التربوى كثرا للطفل

– كل يوم احتسبى الاجر والثواب عند الله فى تربيتك لابنائك وادعى الله ان يعينك على تربيتهم تربية سليمة وتوكلى على الله يوميا فى اول اليوم وربنا يبارك فى اولادنا جميعا ويجعلهم من الصالحين