التعامل مع خناقات الاطفال وطريقة للعقاب تجعلهم مهذبين

الخناقات دي مشكلة كل بيت عنده اكثر من طفل وعشان كدة فكرنا في طريقة جميلة للعقاب لما يتخانقوا مع بعض هتخليهم يتعلموا يبقوا كويسين مع بعض ويتعاملوا بلطف مع بعض ايه هي طريقة العقاب والتعامل مع خناقات الاطفال ياترى ؟تعرفي في هذا المقال

طريقة للعقاب و التعامل مع خناقات الاطفال

طريقة ” تيشرت العقاب “

كل اللي عليكي انكي تجيبي تيشرت واسع قديم من عندك او من بتاع جوزك او تشتري تيشرت خامة رخيصة كدة وخلاص اكتبي عليها بالفلومستر او الالوان كلمة ” تيشرت العقاب.

واليك طريقة تنفيذ الخطة:

لما تلاقى اطفالك بيتخانقوا في بعض او ضربوا بعض او حد جه اشتكالك ان التاني بيغلس عليه اول مرة اديهم انذار ان لو استمروا في الخناق ده هيجي دور تيشرت العقاب.

طب لو مسمعوش الكلام وفضلو يتخنقوا؟ ابدأي في تنفيذ عملي لخطة ” تيشرت العقاب، قميص العقاب”

اولا: احضري التيشرت وخليهم هما الاتنين يلبسوا نفس التيشرت لمدة ساعة كاملة، هنا هيضطر الطفلين الى التعايش معا لقضاء حاجتهم بحيث يستخدموا ذراع واحدة فقط.

وهنا يتعلموا ميتخنقوش تاني او يتعلموا دايما يتفاهموا مع بعض والا هيضروا يقفوا في نفس التيشرت ساعة كاملة عشان يتعلموا يقبلوا بعض ويكونوا حنينين على بعض.

نصائح لنجاح تلك الخطة:

. اجعلي الطفل يذهب لقضاء حاجته في الحمام قبل البدء في العقاب حتى لا تكون لديه حجة للانفلات.

. في كل مرة هيتكرر نفس الخطأ هتزداد مده العقاب 10 دقائق اخرى.

. عليكي اخذ الموضوع بجدية وصرامة حتى لا يظن الطفل انه سهل الانفلات.

. حددي مدة العقاب حسب عمر الطفل فننصح بساعة كاملة ان كان عمر الطفل من 6-8 سنوات ولكن لو اقل سنقلل الوقت.