التعليق على تصرفات الطفل باستمرار سيشعره بإنه سيئ

التعليق على تصرفات الطفل باستمرار للاسف في امهات كتير بتكون عايزة اطفالها مثاليه من البداية ونلاقيها مركزة اوى مع اطفالها وكل حره بيعملوها وكل تصرف بيعملوة وتقعد تعلق عليهم باستمرار : لأ كده غلط  لأ منعملش كده لأ منتكلمش كده لأ لازم ناكل كده والنتيجة بتكون اننا بنربى اطفال تعيسه حاسة انها وحشه علطول ومبتعملش أي حاجه حلوى ابدا وده بيسرب اكتئاب وحزن وعدم ثقة بالنفس جوه اطفالنا  وهذه هي نصيحتى لكى في هذا المقال التعليق على تصرفات الطفل باستمرار لأنه سيشعر انه سيء باستمرار عندما يخطئ . وتعرفى على ما يجب فعله

التعليق على تصرفات الطفل باستمرار سيشعره بإنه سيئ

اولا:

دعي اطفالك يخطئون واقبلى هذا دون تصحيح مسمتر فبالاخطاء الاطفال تكتشف مقدرتها وقدراتها  الشخصية ولا تعطى تحذيرات مسبقه باستمرار مما يشعر الطفل بالتقيد وعدم وجود مساحه من الحريه له

ثانيا:

استخدمى الصيغه الإيجابية في اعطاء الاوامر  فمثلا متقوليش : اوعى تضرب اخوك لكن قولي ايه رايك تحب اخوك ؟ وتفاهموا وتلعبوا مع بعض ؟

ثالثا:

لا تربطي الطفل بفعله.

فلا تقولى له عندما يسيئ التصرف ” انت وحش , انت كذاب , انت شقى  وهكذا

“ودى اسهل حاجه بنعملها كأمهات لان ده بيكون اول فعل غاضب بنطلعه لما اولادنا بيغظونا .

لكن الافضل اننا نسكت حتى نهدأ  ياما لو غلطنا وقلنا ” انت وحش ”

نرجعه نصحح تانى ونقول ” انا قصدى اقول مش انت وحش لكن اللي عملته ده وحش ”

عرفى اطفالك انك بتحبيهم لكن انتى زعلانه من تصرفاتهم مش هما.

رابعا:

عدى للعيال ودى يمكن فكره جديده علينا لاننا بنحب ننتقد كل حاجه وطول الوقت سعيا للكمال ولكن لا   تعلقى او تحللى كل تصرف لاطفالك .ولكن علقى فقط على الامور الكبيرة اللي فيها تعدى للاحترام والاخلاق مش كل حاجه وخلاص .

لان ده بيعدم الثقة بالنفس عند اطفالنا وهيخليه مركز اوى مع نفسه ويقعد يقيم نفسه باستمرار.

خامسا:

ان كانت هناك تصرفات وسلوكيات في اطفالك تحتاج تعديل فأكتبيها في ورقه وابدأى بالامور الاكثر ضررا  مثل كذب ,سرقه واعطيها وقت وفتره حتى يتغير اطفالك فيها وليس من يوم وليله

وفكرى لماذا يفعل طفلى هذا السلوك ؟ هل بيكذب لأنه خائف , أم لجذب انتباهى لأنى لا اعطيه اهتمما زياده , ام لأنه لا يميز بين الحقيقى والخيال ويخلطهم معا في كلامه فبتحليل الاسباب سيسهل حل المشاكل وتعديل السلوك

سادسا:

اعرفي ان لو انتى عصبيه وبتزعقى اكيد اطفالك هيطلعوا بيزعقوا وفى الوقت ده مينفعش تلوميهم لان ده هيخلق تناقض جواهم ” أزاي بتقولى ده غلط وانتى كأم قدوة لهم بتعمليه ”

سابعا:

اعرفي ان التعليقات السخيفه المستمره على طفلك هيحزنه وهيولد جواه كبت والشعور بالعدوانية وهنفكر انه بقى هادى لكن الحقيقه هو مكتئب

ثامنا:

اعرفي ان استقبال الكلام يختلف من طفل لأخر فلازم نكون عارفين كل طفل من اطفالنا على حدى لان في طفل حساس عن الثاني فلازم نراعى كلامنا معاهم وتعليقنا على تصرفاتهم يكون بشكل لا يؤذى نفسيتهم

تاسعا:

لاتعلقى على تصرفات اطفالك وتحاولى تصححيها قدام اصحابه او قدام ناس ضيوف لأنك بكده بتعرفى كل الناس انه وحش وبيتصرف غلط وهيؤذى نفسيته جدا .