تعليم الوالدين الاصغاء الى اطفالهم وعدم تخويفهم من العقاب

في هذا المقال سوف نروي لكم قصص حدثت بالفعل وانتشرت جدا في الفترة الاخيره تفيد في تعليم الوالدين الاصغاء الى اطفالهم وعدم تخويفهم من العقاب منعا لحدوث اي مكروه لهم نتيجة الخوف من عقاب الاب والام  ارجوكم ايها الامهات وايها الاباء استمعوا الى اولادكم جيدا وصاحبوهم لا تجعلوهم يخافون من عقابكم  وغضبكم لا تجعلوهم يخبون عليكم اسرارهم خوفا منكم

تعليم الوالدين الاصغاء الى اطفالهم وعدم تخويفهم من العقاب

إنهاردة هحكي لكم قصص حدثت بالفعل وانتشرت جدا في الفترة الاخيره

في ام كانت حاطه مشكلتها في جروب ان عندها بنت عندها 4 سنين  فقامت بقلع البانتي وقالت لمامتها حطي ايدك هنا بس

طبعا الام بدل ما تفهم ايه السبب او مالها او تسالها حاسه بايه الام خافت من طلب بنتها  فضلت تضرب بنتها ضرب جامد لحد ما ايديها هي وجعتها

والبنت طبعا نامت من كتر الضرب والعياط وطبعا كل الامهات اللي شافوا البوست حاولوا يفهموا الام ان

كده غلط وقالوا لها تحاول تتعمال بالراحه وتفهم البنت ان كده غلط وبهدوء من غير ضرب ولا زعيق

الموضوع اتكرر في بوست تاني اتنشر  برضه على بعض الجروبات ان بنت عندها 13 سنة بس هي المرادي اللي بتحكي قصتها

انها كانت مرة بتلعب مع بنت خالتها لعبة الدكتورة وهي كانت عند خالتها فلما روحت لعبت نفس اللعبة مع اخوها الصغير  فـ مامتها دخلت عليهم فلما شافتهم كده

بدل ما تفهم اولادها ان كده غلط لا طبعا قعدت تصرخ وتزعق وتقول لبنتها هقتلك لو شوفتك بتعملي كده تاني وطبعا لانها كانت طفلة صدقت مامتها وخافت واترعبت

تاني مرة لما راحت عند بنت خالتها تاني قالت لها اقلعي البنطلون اديكي حقنة طبعا البنت افتكرت كلام مامتها وخافت من وعدها لها بالقتل

فقالت لبنت خالتها:

لو ماما شافتني هتقتلني قالتلها طيب تعالي نستخبى ونلعب فلما شافتها الام بهدلتها وشتمتها وشتمت بنت اختها وراحت حكت لاختها فقالت لها اختها براحة دول اطفال مش فاهمين حاجه اخذت بنتها ومشت وطبعا بعد

لما روحوا مسكتها وضربتها وقالتلها انا مموتكيش المرادي علشان خاطر خالتك بس لو عملتي كده تاني هسخن المعلقة واحرقك بيها علشان ربنا هيعمل فيكي كده

تعليم الوالدين الاصغاء الى اطفالهم وعدم تخويفهم من العقاب

البنت  لما راحت المدرسة كانت بتخاف تتدخل التويلت علشان لو مامتها عرفت هتموتها وفي مرة البنت

اتزنقت فراحت التويلت ملحقتش تقلع هدومها فعملت بيبي على نفسها وخافت تتطلع من التويلت اصحابها يتريقوا عليها

فضلت يا حرام قاعده في التويلت لحد ما الحارس لقاها قاعده في التويلت بعد ما الكل مشى من المدرسة طبعا كانت فرصة للحارس واتحرش بالبنت

ولما حس ان في حد جاي خرجها من التويلت وعمل حوار انه لسه شايفها ولاقيها ووداها لمامتها اللي طبعا كالعادهضربتها علشان عملت بيبي على نفسها طبعا البنت خافت تقول لمامتها على اللي حصل من الخارس علشان متقتلهاش او تحرقها بالمعلقة السخنة  وكمان كرهت المدرسة وبقت تعمل بيبي على نفسها وهي نايمه بالليل والام تضربها وتخوفها

باباها سافر يشتغل جاب لها  اى باد تلعب علية وتقعد على النت عشان يعرف يقعد مع مراتو  لوحدهم والولاد فاوضتهم

فمامتها حملت جابت بيبي واتلهت فيه بزيادة وبنتها قاعده على الايباد ليل ونهار اتعرفت على جارتها وجارتها عندها بنوته اكبر شوية البنت عجبت الام لانها مؤدبة وشيك قربتها من بنت جارتها وطبعا البنت اللي كانت مؤدبة البنت فرجتها على افلام سكس وقالتلها ان ماما وبابا بيعملو كدة طب منين ماما هتموتنى لو عملت كدة وهى بتعمل اكتر من كدة البنت خافت مامتها

تعرف تموتها فرفضت تتفرج تانى صاحبتها قالتلها خلاص اية رايك نتفرج على كارتون وجابتلها افلام سيكس كارتون وقالتلها دية معموله للاطفال وعجبتها الافلام وعرفتها الفيس بوك واتعرفت على ولد حكيتلو كل حاجة وطبعا جرجرها انو بيحبها

وهيحميها وحاول يخليها تروحلو لما رفضت هددها يورى الصور بتاعتها لمامتها وطبعا اترعبت وقعدت تتحايل علية ميفضحهاش ودخل الاب فجاه ولقى الايباد قرى الكلام وكان رد فعلو مختلف حضنها واتاسفلها ونده  على مامتها

وقالها: انتى لو تعرفي المكتوب هنا هتحرقى انتى نفسك

وقعد مع مراتو اتكلمو وغيرو  معاملتهم لبنتهم ولحقوها قبل فوات الاوان وكل دة لية عشان الام

محاولتش تفهم بنتها لعبة الدكتور عيب لية واخدت التخويف طريقه تريح بيها ضميرها مخادتش بالها من الاعراض اللى عند بنتها ان حد اتعرضلها

ارجوكم اتكلموا مع اولادكم كتير

خليكو الامان الى يجرو علية  قلة الوعى مش بتحافظ على البنت دية

بتزقها على الاذى بدافع الفضول حبوا اولادكم وحسسوهم بالحب دة عشان ميدوروش عليه برة

خليكى محاوطين اولادكم بالحب والحنية والوعى والثقافه متتكسفوش منهم ولا تفتكرى ان بنتك هتطلع متعرفش حاجة وجوزها يقول مؤدبة بالعكس خليكى المصدر الاول للمعلومة بالنسبالها لانك الوحيدة الى مش هتضريها

بنتك لما تبلغ اقعدى معاها واشرحيلها تنضف نفسها ازاى تراعى نفسها صحيا فالايام دية تحافظ على جسمها تصونوا  اتكلمى بالتفاصيل مش وشك يحمر وانتى بتديها الفوط الصحية لانك هتسالك عنها لانها امانه خليها متتكسفش منك تسالك وتلجالك وتلاقيكى لما تحتاجك وابنك كمان تربيه يحافظ على جسمه وفى سن البلوغ باباه يقعد معاه ويفهموا  بكل وضوح لان الاسرار مثيرة

وباب الشيطان مفتوح  ولو الاب مش موجود انتى مامته  اتكلمى معاه بعلم وثقافه خليه بحس انك الارض الى واقف عليها يا رب اكون وصلت وجهة نظرى

حافظوا على ابنائكم وكونوا حنينين عليهم

المصدر: https://goo.gl/Clscn7