تربية الطفل تحتاج ثقافة موسعة تبدأ من فترة الحمل ولكي نوفر عليكي مجهود الاطلاع على كتب كثيرا فاليكي الخبرة في تربية الاطفال و اهم القواعد في تربية طفلك.
دليل الخبرة في تربية الاطفال
اعرفي ان بعد ما تجيبي عيال بيتك مش هيفضل كأنك عروسة جديدة وتقبلي الفكر هذه عشان متقدعيش تزعقي فيهم طول اليوم انهم وسخوا الدنيا.
اقضي مع اولادك وقت جميل وخلي جواهم اهم زكريات في حياتهم معاكي مش اهم حاجة غسيل المواعين وتلميع السيراميك.
فكرة ان الطفل الرفيع ده صحته تعبانة وعنده سوء تغذية وانيميا فكرة قديمة فبلاش نجبر اطفالنا على اكل ازيد من طاقتهم.
احرصي ان
طفلك اول ما يوصل عمره 4 سنوات تكون عنده رياضة بيمارسها بانتظام واشتركيله في نادي يطور فيه مواهبه ويقضي في وقت الفراغ.
الاب مش بس كتر خيره مهري ومطحون في الشغل طوال اليوم والعيال مش بتشوفه لكن عند تربية الاطفال لازم يكون له دور ودور كبير جدا امال بابا ازاي؟
مش عشان عندك بنت تخليها خدامة لاخواتها الاصغر منها او اخوها وتقعد هي واخدة بالها منهم وبتأكلهم وتكوي لده لبسه ومتخليهاش تعيش طفولتها حرام بجد.
لا تضحك
عندما يخطأ طفلك التصرف لأنه هيرسخ في ذهنه ان الحرك هدى بتضحكم ويفضل يعملها وهي اصلا غلط لكن متعلمش كدة للاسف.
بلاش لما طفلك يتعب تسمي كلام ام احمد وام محمد لما ابنهم تعب بنفس المرض لكن لكل طفل حالته الخاصة ولازم تروحي للدكتور.
خصصي يوم الويك اند
لعيالكم مش عشان ابو العيال ينام ويرتاح من تعب الاسبوع كله لكن لازم يبقى فيه يوم نخرج عيالنا يتفسحوا ونلعب معاهم.
بلاش نفزع في عيالنا واحنا بنصحيهم الصبح ونتعامل معاهم بالمشاعر اكتر وممكن نشغل موسيقى صوت الديك او اي فكرة جميلة تخليهم يبداوا يومهم وهما مبسوطين.
علمي طفلك يكون له رأى و احترمي طفلك مش علطول انت عيل وله متفهمش حاجة.
الوجبات السريعة
مضرة جدا لصحتهم فمش تفسحيهم تخديهم مطعم كنتاكى ولا برجر لكن الفسحة باللعب والوقت الحلو معاهم ده اللى هيفيدهم اكتر.
لا تستهيني بحكاية القصص قبل النوم وخليها عادة يومية منها يهدوا اولادك ويناموا بسرعة ومنها بتوصلي معلومة او نصيحة من خلال قصة.
لو طفلك رسم على الحيطة متضربيهوش وتاخدي منه علبة الالوان لان ممكن تكون دي موهبته او طريقة بيعير بيها عن مشاعره لكن ممكن تحطيلها فرخ ورق على الحيطة يلون عليه او تجبيله سبورة يرسم عليها.
التربية = حوار والحوار = سمع واصغاء
اعرفي انكوا مراية لطفلكوا يعني بيشوفكوا وهيقلدكوا فكونوا قدوة حسنة.
الاطفال مش مزعجة لكن الاطفال نفسها تخرج وتغير جو بس اللى يفهم.
