سبعة سلوكيات خاطئة للاطفال وكيف يكون رد الفعل السليم

هناك العديد من مواقف خاطئة يفعلها الطفل و سلوكيات خاطئة للاطفال وتحتار الام في طريقة الرد على الطفل لان احيانا رد فعلنا الخاطئ يزيد السلوك السيء ويزيد عند الطفل فيتمادى في فعل الغلط ليغيظنا وهو ما سنتحدث عنه في هذا المقال وكيف يكون رد فعلنا السليم .

سبعة سلوكيات خاطئة للاطفال وكيف يكون رد الفعل السليم

أليكم المواقف وعلاجها:

اولا: لو الطفل قال كلمة وحشة او شتيمة لاخوته او لحد جه يزوركم

• لا تضربي الطفل ابدا خاصة امام الضيوف
• لا تهنيه بكلام جارح ووصف قوي مثل ” انت مش محترم “
• لكن بهدوء نأخذه نطلب منه ان يعتذر لمن شتمه حتى لو اخوة
• نفهمه ان الشتيمة غلط ومينفعش نردد كلام سمعناه من غير ما نفهم معناه
• لازم نعرف ان كل اللى فات ده لن يجدي نفع لو الاهل بيقولوا كلام وحش جوة البيت

ثانيا: لو الطفل فتح شنطة مامته وخد فلوس بدون علمها

• لازم نفهم الطفل معنى ” الاستئذان “يعني لو حاجة مش بتاعتنا لازم نطلب اولا من صحابها اننا عايزنها
• لازم كمان نعلم الطفل ان اخد حاجة مش بتاعتنا من غير ما نعرف صاحبها اسمها” سرقة“
• نعلم الطفل انه ليس هناك مشكلة ان يذهب لماما ويقول لها” ماما انا عايز فلوس ماما بعد اذنك هاخد حاجة من شنطتك “

ثالثا: الطفل يصيح وصوته عالي

• اخبري طفلك ” مش لازم تعلي صوتك عشان نسمعك احنا هنقدر نسمعك لو صوتك واطي “
• اخبري طفلك ان الصياح والصوت العالي هيرهق زورك ويوجعه ومش هتقدر تتكلم تاني
• كمان الصوت العالي هيعمل صداع للناس وهيقولو عليك طفل مزعج

 

رابعا: الطفل حصل على درجات سيئة في الاختبار الشهري

• ابدأ اولا بمدحه لتعزز ثقته بنفسه فقل له ” انت ولد ذكي وتستطيع ان تحصل على درجات اعلى بكتير من دي فلازم تركز اكتر لشرح المعلمة في الفصل و تحل الواجب اول باول وهتجيب درجات احلى الشهر الجاي وتطلع من اوائل الفصل “
•  لا تعايروا الطفل على درجاته وتقولوا له ” انت ولد فاشل”، ” انت ولد غبي “لانه هيفقده الثقة بنفسه .

خامسا: الطفل يسرح بخياله

• ان نعلم الطفل الفرق بين الواقع و الخيال.
• ان نعلم الطفل مزايده على الحقيقة يسمى ” كذبا”
• لازم الطفل اول حاجه يتعلم منها الصدق هو رؤية صدق والديه في القول والفعل

سادسا: الطفل يفسد اداوته المدرسية بالشخابيط

اخبر طفلك ان تلك الاغراض خاصة بالدراسة والمذاكرة وان اردت الرسم فيوجد كراسة للرسم والوان جميلة مخصوصة للرسم نلعب ونلون بهم بعيدا عن كراسات وكتب المدرسة .

سابعا: طفلك مهمل في ترتيب اغراضه وغرفته

اجعلي الطفل يعاونك في كل مره تقومي فيها بتنظيف غرفته ويساعدك في الامور البسيطة حتى يحاول يقلدك ومره تلو الاخرى ستجديه تعلم لوحده كيف يرتب غرفته .