ما الذى يؤثر في تكوين و بناء شخصية الطفل ؟

ان تكوين شخصية الطفل مسئوليه كبيره والذى يساهم في تشكيلها عوامل متعددة ليتكون طفل ياما قوى الشخصية ياما طفل مهزوز وضعيف الشخصية وفى هذا المقال سنتعرف: ما الذى يؤثر في تكوين و بناء شخصية الطفل ؟.

ما الذى يؤثر في تكوين و بناء شخصية الطفل ؟

أولا: البيئة المحيطة بالطفل

لا تستسلم بقولك ان طفل مولود عصبي او العصبية اللي فيه دى وراثه وملهاش حل، بالطبع الجينات الوراثيه بتتحكم في طبيعة الطفل لكن في امور تانيه كتير  وهنا نقصد طريقه تربيه الطفل تساهم في تكوين شخصية الطفل.

مينفعش تقولى لطفلك خليك منظم وانتى مش منظمه او خليك صريح وهو بيشوفك بتكدبى في التليفون، فخليك وخليكى مدربه للطفل يشوفك ويتعلم منك ويحاول يقلدك.

عشان تغيرى حاجات في طفلك لازم يكون عندك صبر وتدخلى التحدى ده ومتستلميش لطبيعته لان ما نزرعه فيهم الان سيساهم في تكوين شخصيه للابد لكن اعتبرى التربية دى سلم بتطلعيه خطوة ورا خطوة.

ثانيا: العلم لا يعطل تلقائيه الأمومة

فزى ما العصفورة بتفضل تجمع القش وترصصه واحده واحده عشان تعمل عش جميل تضع فيه بيضها احنا كمان لازم تكون تصرفاتنا بالامومه مش نصائح و أوامر ونلغى مشاعرنا اللي جوانا ناحيه اطفالنا لأنها اسرع طريقه توصل لهم.

تستطيع مشاعر الأمومة عندما تصل صراحه للطفل على تغيير سلوكياته وجيناته، فالأم الحساسة و المتفاهمة مع طفلها وقريبه منه تقدر تعدل سلوك أولادها وتهديه بعد نوبات غضب وعنف . وتحس بيه ولما يعيط تكون جنبه ومشاركته مشاعره.

فأفهمى طفلك الصغير زى ما بتفهمى جوزك واصحابك و احترمي طفلك كفرد له شخصيه. وكل ما الام فهمت ابنها أسر كلما كانت العلاقة قويه وشديده معاه.

ثالثا: طريقة التعامل بحكمة مع مختلف المواقف

فمثلا عندما يتطاول طفلك عليك ويغضب منك ويضربك فيمكن ان بسهوله الام تضربه وتتتعصب عليه أزاي عمل كدا. لكن لو علمت ابنك لما يكون زعلان يجى يقول بصوت عالي: انا زعلان عشان كذا هيلاقى منفذ لغضبه.

فالتطاول على الاهل لازم نتعامل بحزم معاه ولكن من غير عنف فمثلا نقول “مينفعش نمد ايدينا على ماما” لان الطفل مش نيته وحشه لكن هو ميعرفش حدودة فين واحنا اللي لازم نرسم حدود لسلوكه وشخصيته.

كمان هو بيشوف لما مامته بتغضب بتضرب ففهم ان دى وسيله التنفيث عن الغضب فلازم نخلى بالنا احنا بنربيهم أزاي عشان دى هيشكل شخصيتهم وسلوكهم.

فعلمى طفلك لو غضب أزاي يعبر عن غضبه بطريقه صحيحه لكن لا تضربه لان الضرب هيزود دايره العنف معاه.

رابعا: اسرع معدل لنمو مخ الطفل في اول 5 سنوات من عمره

الطفل يولد ب 200 بليون نيورون او خليه عصبيه عند الولادة وعند عمر سنتان يصل حجم المخ 75 % من حجم مخ البالغ مما يعنى ضرورة ان نستغل السنوات الاولى من عمر الطفل في تعليمه وتكوين شخصيته وزرع حدود لسلوكه ومبادئ تكمل معاه العمر كله.

نمى في طفلك كملن الذكاء الوجداني: فاهم مشاعره أزاي وبيتعامل معاها بأى طريقه اتعاملى مع الطفل كأنه شخص كبير له ولا تكذبى عليه. وحضرى نفسيته لو رايح الحضانه او رايح للدكتور.