بتزعقي وتتعصبي على الاولاد ومش عارفة تتحكمي فى اعصابك في هذا المقال سنساعدك في علاج العصبية على الاولاد و التحكم باعصابك حتى لا يكرهك الاولاد او تفقدي حبهم ويستبدلوه بخوف منك
بتزعقي ومش عارفة تتحكمي بأعصابك إليكِ علاج العصبية على الاولاد
الام العصبية مشكلة بتعاني منها معظم الامهات وخصوصا لو كانت بطبيعتها عصبية من قبل الجواز ولكن قد يكون سبب العصبية اسباب كثيرة منها الضغط النفسي الذي تتعرض له الامهات وقلة النوم وايضا اعراض الدورة الشهرية
خوض الام عمليات قيصرية اكثر من مرة واخذها البنج الكلي او المخدر الكلي اكثر من مرة تزيد من عصبيتها والسمنة تزيد من العصبية والمشاكل الزوجية وقلة المال احيانا والاحساس بالاهمال او الوحدة
وغيرها من الاسباب تجعل الام تتعصب من اقل شيء وقد يكون تافه ويجعل الاولاد يزيدوا من اخطاؤهم لانهم مش بتربوا صح
ازاي تقدري تتحكمي باعصابك وانتي في قمة غضبك ؟
– لما تلاقي نفسك في قمة غضبك وابنك او بنتك عملوا مصيبة او حتى غلطوا غلطة صغيرة بسرعة سيبي المكان وروحي مكان تاني عشان ممكن تأذي ابنك بدون ما تشعري حتى ولو انتي هتزعقي بس او تسبيه ممكن كده يخاف منك ومع الوقت هيكرهك ويخاف يصارحك باي حاجة
– لما تلاقي اولادك بيتخانقوا مع بعض عشان لعبة خدي اللعبة واخفيها عنهم لحد ما يتعلموا الادب ويعرفوا انهم اخوات ولازم يتشاركوا فاللعب بدون ضرب
بتزعقي ومش عارفة تتحكمي بأعصابك إليكِ علاج العصبية على الاولاد
– ثبت علميا ان
السجود او الجلوس ارضا يحولك من مرحلة التعصب الى مرحلة الهدوء فلو كنتي متعصبة جدا اذهبي وتوضأي وصلى ركعتين وهتلاقي اعصابك ارتاحت ولو عليك عذر شهري الدورة الشهرية اجلسي بالارض واحنى راسك فى وضع السجود الدم هيغذي المخ ويتدفق نحوه وهتلاقي اعصابك ارتاحت
– متخليش الاولاد دايما يشوفوكي متعصبة و مثل الوحش لانك ممكن متشوفيش نفسك ازاي اولادك شايفينك جربي تنظري فى المراة وتشوفي نفسك عاملة ازاي حطي نفسك بدل الاولاد هما بيبقوا شيفينك وحش وعشان كده بيحبوا بابا اكتر لانه مش بيبقى موجود معاهم وبيعاملهم بلطف
– خليكي زي اسمك مراة يعنى انوثة وام وبلاش تعيشي دور الراجل العصبية من صفات الرجالة
– انتي بتتعبي كتير عشان تربي اولادك متخليش عصبيتك تضيع تعبك لان العصبية هتخلي الاولاد يخافوا منك ومش هيسمعوا الكلام وهيعندوا اكتر
– اوقات الصفا مع اولادك اشعريهم بحبك وحنانك لان ده ممكن يقلل شعورهم انك بتكرهيهم عشان كده بتتعصبي عليهم
– اتعودي ان الضرب عمره ما هيجيب نتيجة لكن لو عملتيه يبقى استثنائي وحاجة بسيطة مش ضرب مبرح او ضرب بأي شيء
– ممكن الطفل يعمل مصيبة ونتعصب وننهار وممكن نضربه وهو اساسا ميعرفش انها غلط ومحدش عرفه او حذره من ان ده غلط وبكده انتى بتعملي حالة فزع للطفل وبتخليه يجرب اي شيء ممكن يفيده مش عوزاه يبوظ حاجة شيليها من امامه او عرفيه ان ده غلط لو افترضنا ان ابنك رمى حاجة من الشباك وهو ميعرفش ان ده غلط او سنه صغبر اقل من 3 سنين لازم تفهميه بدل ما تتعصبي عليه
– واخيرا مشاكله واعصابك مش ذنب اولادك انهم يتحملوها هما اطفال وبيتعلموا منك ولو فى حاجة متضايقة منها صلي واشكي ربنا او اكثري الاستغفار اعصابك هتهدي واطفالنا نعمة كبيرة وامانة لازم نحافظ عليها وفى ناس مشتاقة لطفل ربنا يحفظ اولادنا
