عيوب التساهل في تربية الطفل وكيف نبدأ طريق التغيير ؟
عيوب التساهل في تربية الطفل وكيف نبدأ طريق التغيير ؟
التساهل في تربية الطفل ،اوحش حاجة في تربية الطفل لو متعلمش ان له حدود في الكلام والتصرف وكبر وهو متاح انه يعمل أي حاجة في أي وقت ولو انتي بتقولي بكرة يكبر ويتعلم تبقي غلطانة وفي هذا المقال ننبهك بانك تخلي بالك لو انتي متساهلة في تربية طفلك وكله خبر خير واليكي تلك النصائح
عيوب التساهل في تربية الطفل وكيف نبدأ طريق التغيير ؟
اولا: ماهي مواصفات الام المتساهلة؟
هي ام متسامحة زيادة عن اللزوم وكل حاجة ماشي وشغال وهي بالطبع طريقة خاطئة في التربية.
فتسمح لطفلها بفعل أي شيء مثل:
– يأكل أي اكل وفي أي مكان
– يلغبط أي حاجة ومش مهم ينظمها تاني
– تلبي أي رغبة للطفل بدون قواعد وسقف للطلبات
ثانيا: ما هو عيوب تربية الطفل بتلك الطريقة؟
النتيجة هتكون طفل متمرد لأنه لم يتعلم وجود قواعد وضوابط لسلوكه. لازم نعرف ان الهدف من التربية وضع حدود واضحة وخطوط للطفل ودة يبعث فيه الأمان ان بابا وماما مسيطرين على حياته.
ثالثا: كيف نبدأ طريق التغيير من بعد التساهل في تربية الطفل ؟
اولا مفيش حاجة اسمها خلاص هو الطفل بقى كده لكن مادام ما حسيتي بالتقصير في تربيته ينفع نبدا من جديد ونعمل الاتي:
– نقرب اولا من طفلنا اللي تجاهلناه طوال وقت مضى.
– نعمل حاجات وانشطة مشتركة تخلينا نبني علاقة قوية وسور متصل ببعضه.
نبدا بعد كده نفهمه ايه الصح وايه الغلط ونحدد هنصلح ايه فيه.
لازم يكون عند الام شكل لتربية الطفل لهدف معين مش أي حد يعمل أي حاجه في أي وقت اعرف ان الطفل بيجي عالمنا وهو مش عارف ايه الغلط وايه الصح فلازم نعلمه مفاهيم بسيطة وهو ده التحكم ونعلمه الاول مش نتخانق معاه لما يعمل غلط هو ميعرفش ايه تصحيحه ولازم نفهمه ليه القواعد دي محطوطة.
الهدف ان الطفل يتعلم قواعد الحياة ويتعلم لو تعدي تلك القواعد هتكون في عواقب وتوابع وده هيسهل عليه الاندماج في المجتمع لان أي مكان هيروحه في قواعد لازم ينفذها.
لو الطفل انفعالي لازم نعلمه:
– أزاي يتكلم باسلوب هادي.
– أزاي يتعامل مع الاخرين باحترام حتى وقت غضبه.
– أزاي يعبر عن مشاعره بطريقة صحيحة.
ثاني اهم خطوة هي اننا نبدأ ونكمل المشوار ونحدد ايه الغلط فيه ونشتغل على واحدة واحدة عشان تنجح رح التهذيب حسب طبعا اولويتهم.
علمي طفلك كيفية احترام اهله لان لو متعلمش في بيته احترام الكبير والقواعد هيبقى حياته بلطجة وخلي بالك انت بتربي ابنك لجيل قدام.
لا تصدر انفعال شديد مرة واحدة نتجه موقف فعله ابنك احرجك امام الاخرين لكن كلميه بهدوء وعرفيه الخطأ واذكري له عواقب لو كرر الخطأ.
لا تبرر للطفل اخطائه تحت شعار ” أصله مضايق ” لكن علمه كيف يعبر عن غضبه وضيقه ولا تعطيه صلاحية لان يكون عنيفا او عدوانيا لأنه متضايق.
وعشان الطريقة دي تنجح لازم رأي بابا يتوحد مع رأى ماما ولا يكون أي منهم متساهل مع الطفل فيلجأ دائما له.
