ايها الاباء والامهات : قللوا من كلمة لا للاطفال رجاءً
ايها الاباء والامهات : قللوا من كلمة لا للاطفال رجاءً
قللوا من كلمة لا للاطفال فأصبح اسهل كلمة على الاباء والامهات لما يجي طفلهم يطلب منهم حاجه لأ ، لأ ، لأ حتى من قبل ما يفكروا في اللي طلبه منهم وده بيضر الطفل جدا لو اتعود انك متعسف وكل طلباته الرد عليها لأ وفي هذا المقال سنناقش قواعد اساسية يجب ان يتعلمها الاباء والامهات لتربية اطفالهم تربية سليمة.
قللوا من كلمة لا للاطفال
المبدأ الاول : اقل كمية من كلمة لأ
خلوا كلمة لأ فقط عند الضرورة مش كل ما يجي ابنك او بنتك يعرض عليكوا حاجة تقولو لأ لكن في حاجات رحب بيها واعتبرها كأنها اقترحات هتفكر فيها وهترد عليه لربما تكون جميلة.
المبدأ الثاني: ثقافة الذوق
للاسف اصبحنا بنعامل اولادنا بطريقة وحشة جدا لا نتحمل ان احد يعاملها بنا كاباء وامهات فلماذا نفعل هذا مع اطفالنا ونحط من شخصيتهم واحترامهم لذاتهم لكن ايه المانع لو طلبت من طفلك طلب تقوله ” ممكن يا حبيبتى تعمل كذا استأذنك في ماتش في التلفزيون اسمعه شوية وارجع اجيب الكرتون ؟ لو سمحت يا حبيبي ممكن نعمل كذا ” فالطفل من كتر ما يسمع كدة هيتعلم يكون محترم مع الاخرين وقبل الاخرين هيتعلم يعطى احترام لنفسه لأنه شاف بابا وماما بيعتبروه واحد كبيره ويحترموه.
المبدأ الثالث: الحوار الهادي
خلي حوارك مع ابنك او ابنتك مش زعاق وغضب ولوم عليه ان اللي عمله غلط لكن عايز حوارك يكون فعال ويجيب نتيجة يبقى لازم الشروط دي:
1. بصوت هادي:
بعيد كل البعد عن الصوت العالي والانفعال والغضب والزعيق.
2. بأقتناع وليس اقناع:
حاول ان تقنعه بكلامك ولا تجبره على تنفيذه دون تفكير حتى يكون للحوار فائدة واتعلم انك مش داخل خناقة مع ابنك ولازم تكسب فيها لكن دة في مبدأ تربوي انت بتحاول توصلهوله وتقنعه بيه وخليه يطلع رد فعل من عنده لتنفيذ الكلام اللي بتقوله ويبقى الامر طالع من جواه عن اقتناع.
3. الوقت:
متقعدش تحكي وتتحاور مع ابنك بالساعات لأنه مش هيجيب نتيجة لكن خلي حوارك مركز في 10 دقائق او 15 دقيقه بالكتير عشان ميملش الطفل ويتوه في كلامك.
المبدأ الرابع : الطلب الواثق
بمعنى انك تقنع طفلك اولا قبل طلبك بانه سيفعله وانت متأكد من هذا فمثلا قل له:
- انا عارف ومتأكد ان ابني الشاطر هيعمل.
- انا متأكد ان الكلمة دي اللي قلتها او الشتيمة هذه طلعت غصب عنك ومش هتكررها تاني.
- انت كدة بتكبره وتشجعه يعمل الصح وهيحاول المرات الجاية يكون محل ثقتك فيه ويثبتلك ان اللي قلته صح.
