ما دور الاب في تربية الاولاد ؟ هل لجلب الفلوس فقط

للاسف في اباء كتير بتحس ان دورهم ملوش لزمه والاحتياج فقط للأم ودة طبعا مفهوم خاطئ لكن الاب له دور يبدأ من الحمل مش بس مجرد الولادة او لما الطفل يكبر ولكن ماهو دور الاب في تربية الاولاد وما اهمية ذلك في بناء شخصية الطفل ليصبح طفل سوي نفسيا ؟ سنتعرف في هذا المقال

دور الاب في تربية الاولاد

المشكلة ان بدأ دور الاب في ايامنا هذه يتقلص جدا في تربية الابناء ودوره يتراجع في حياتهم بشكل ملحوظ ومؤذي لنفسية الطفل لكن الاطفال عبارة عن مشروع تربوي يدخل فيه الاب والام شركاء معا لضمان نجاح هذا المشروع

 

” ولكن ماهي اهمية وجود دور الاب في تربية الابناء ؟ “

• من بداية الحمل ممكن للأب انه يغذي الطفل بمشاعر و كلام إيجابي تعبيرا عن لهفة انتظارك له ولرؤيته ولازم يكون الاب مستعد نفسيا لوجود طفل يأخذ مساحة من تفكيره ونظامه اليومي وجدوله في الحياة ولا يمشي الحياة قبل مجيئه مثل بعد مجيئه دون تخصيص وقت واهتمام له
• لابد للاب ان يدرك انه يعلب دور ” المدرب ” : وليفكر في ماذا سيدرب الطفل وكيف سيدربه ؟
• اصطحب زوجتك لمتابعه الطبيب ليبدأ داخلك الاعداد لمجيء الطفل الجديد في الأسرة وان امكن ان الاب يحضر الولادة فهذا يقوى الرابط بينه وبين طفله
• الاب = الام  فهو مصدر اخر للحنان لاطفاله فالطفل يحتاج حضن الاب مثل حضن امه تماما

” ما هو دورك كأب في حياة اولادك ؟ “

ان تعكس صورة مثالية لاولادك وتكون القدوة في:

• الكلام
• التصرفات وسلوكياتك
• وعودك
• رد فعلك .
• ان تكون متواجدا في حياتهم بأستمرار وتخلي بالك منهم وعينك عليهم مش أب حاضر غائب مش حاسس بأولاده لكن خصص حتى لو ربع ساعة بس بعد الشغل تقعد مع الولادك وتلعب معاهم وتسمع ليهم .
• لابد ان تتفق مع امه على مبادئ التربية للطفل حتى لا يتشتت في طريقة تعاملكم معه
• لابد للام ان تشارك الاب في الحياة فلو مثلا خارجين اخبر طفلك انه لازم تستأذنوا من بابا في الاول وهكذا
• لازم الاب يعرف ان وجوده في البيت وسلطته في اتخاذ القرارات تعطي الطفل الشعور بالأمان
• الطفل بعد عمر 7 سنوات خاصة الولد يحتاج جدا لقربه من والده لكي يشعر برجولته
• الاب رمز اساسي داخل الأسرة وفقدان دور الاب يفقد الأسرة رمز ومكون اساسي من مكوناتها
• عايز تقرب من ولادك يبقى في تواصل وكلام رايح وجاي ادخل في حياتهم والعب معهم .
• فهمك ان ليك دور في حياتهم هيخليهم اولوية مش بس لما تكون فاضي تبقى تقعد معاهم
• اعرف ان التربية مش اوامر لكن انت بتزرع مفاهيم صحيحة في ابنك او ابنتك انك تكتشف قدراتهم مش تعيش احلامك فيهم وتفصله زي مانت عايز وتفطسهم وتخليهم يفقدوا قدراتهم الطبيعية اللي لازم تنميهم