الحب رغم انه افضل شئ فى الحياه لكن قد يكون سبب نكسه طول العمر . لو الحب لم يحكمه حكمه وتفكير .ونصيحتى لكل شاب ولكل شابة مقبله على الارتباط . تعلمي الحكمة في الحب ومش أى حد تفتح له قلبك . كلام مهم ياريت الكل يقراه .
تعلمي الحكمة في الحب
خليكى حكيمه فى تصرفاتك .وانت كمان بلاش تقع مره واحده لانك اديلك سنين بتدور او تدورى على حد يحبك .
او حد يشعرك انك مقبوله ومحط اعجابه. او تحاولى تهربى من مأساه او مشكله تعيشيها الان
فتدمرى الغد وكل المستقبل دون ادراك او تفكير .
ياريت بلاش تسيبوا قلبكم بس هو اللى يمشيكم ويتحكم فيكم .
لكن ادى لعقلك فرصه . اديله مساحه انه يفكر ويحكم . هيختارلك صح متقلقش
تعلمي الحكمة في الحب ومش أى حد تفتح له قلبك
عقلك هو اللى هيقدر يحكم بجد مين يستاهل انك ترتبط بيه . ومين ينفع يكون شريك لحياتك . ومين اللى ينفع تكمل معاه طريقك وانت مبسوط وسعيد .
مترميش الحمل كله على قلبك .لان على رأى المثل ” مرآه الحب عمياء ” يعنى قلبك بس بنص عين . وعقلك هو اللى هيخلى الرؤيه اوضح .
ومتزعلش لو عقلك اصدر قرار قاسى . بس ده لمصلحتك . يعنى لو \عقلك درس الموضوع .
وكانت النتيجه للاسف ” عدم وجود تكافئ “متزعلش . متعاندش . متقولش بكره هيكون فى تكافئ .
لان لو الامور مكنتش مرتاحه النهارده عمرها ما هترتاح بكره .
اسعى ان يكون ارتباطك مثل مستثمر يحسن اختيار ارض خصبه ومشروع يربحه . ولا يخسره .
اسعى انك تدور كويس. حتى لو تعبت . متستلمش ده اهم قرار. وقرار = الحياه
زى اى فلاح شاطر بينقى احسن ارض . تكون خصبه عشان يتأكد انها هترعى بذورة وهتجبه ثمر ويبقى فرحان منه بكره وبعده خليك شاطر فى اختيار شريك حياتك .
اختار اللى ينفعك .اللى يكملك . اللى ارضه مليانه حب وصفات حلوة تضمن انه هيرعاك ويرعى ولادك بكره وبعده .
.
