سامر والألعاب قصة تعليم الاطفال القناعة

سوف نروي لكم في هذا المقال سامر والألعاب قصة تعليم الاطفال القناعة والرضا وعدم الشبطان في الالعاب  وان يشكرون الله على ما عندهم

سامر والألعاب قصة تعليم الاطفال القناعة

كان يا مكان يا سعد يا اكرام ما يحلى الكلام الا بذكر النبى عليه الصلاة والسلام كان في ولد اسمه سامر

كان سامر ولد اموور وصغير وكان كل ما يشوف حاجه تعجبه يقعد يعيط ويصوت ويصرخ علشان ماما وبابا يشتروهاله

وكانت لما مامته تاخذه معاها السوق تشتري حاجات كان داينا يشبط سامر ويعيط لو شاق اي لعبة

لحد ما مامته تجبهاله وكل مرة يستمر الحال على كده واستمر كتيييير اووي وكل مره يشبط مره في قطر ومرة في عربية ومره في طياره لحد ما اوته اتملت بالالعاب

ماما وبابا اتفقوا خلاص مش هيخلوا سامر يخرج معاهم يشترى اى حاجه علشان ميحرجهمش تانى

لكن الاستاذ سامر مش رادى يتعلم ابدا ان اللى بيعمله دا غلط وميصحش

وفى يوم ذهب  بابا وماما ليزوروا  حد قريبهم اعد سامر يلعب مع الاولاد الصغننين بالعابهم

وشويه وسمع بابا وماما وقريبهم صوت صريخ وضرب وعياط جريوا بسرعه على اوضه الاولاد ولقيوا سامر عمال يصرخ

ويضرب قريبه ماهر

وشبط في العربية بتاعته  ويقوله انا هخدها دى بتاعتى ويعيط وماهر عمال يعيط ويقوله لا دى بتاعتى جدوا

جبهالى عربيتى وسامر مصمم وعايز ياخذها منه

ماما وبابا اعدوا يزعقوا لسامر ويقولوله كدة عيب يا سامر دى مش بتاعتك ادى العربيه لماهر يا سامر وسامر ابدا شبطان فى العربيه وبابا زعل من سامر

وقله ادبه ودلعه وعمو بابا ومامته ماهر قالوله خلاص يا ماهر يا حبيبيى سيبهاله يلعب بيها شويه ويرجعهالك تانى

قال ماهر لباباه  يا بابا دا ممكن يكسرلى عربيتى قاله متخفش هو هيلعب بيها ويرجعهالك بكرة ان شاء الله صح يا سامر

طبعا سامر فرح اوي  وقاله صح يا عمو احمد انا هخدها العب بيها فى بيتى وارجعها بكرة لماهر ومش هكسرها  وهحافظ عليها

فقال له ماهر  وافرض كسرتهالى سامر قاله هشتريلك واحدة زيها بالظبط صدقنى وفضل يعيط علشان يوافق

ومشى سامر مع ماما وبابا وهما طبعا محروجين ومكسوفين من سامر انه اخد عربيه صاحبه ومش مكفيه كل الالعاب اللى عنده

سامر والألعاب قصة تعليم الاطفال القناعة

و اول ما وصلوا البيت بابا زعق لسامر وقاله ايه اللى انت عملته كل اللعب اللي عندك دي مش مكفياك

ولكن سامر لم يبالي من كلام باباه وفضل سامر يلعب بالعربيه ولا همه حاجه خالص

وفجاة وهو  بيلعب بالعربية  العربيه اتكسرت سامر هعمل ايه انا دلوقتي وطبعا جرى على ماما وحكالها

وماما قالتله  اتصرف انت بقى  وهاتله عربيه زيها زى موعدته

سامر والألعاب قصة تعليم الاطفال القناعة

وراح سامر محل الالعاب ولقى ان ثمن العربيه غالى اووووى فسأل سامر عمو صاحب المحل ممكن يا عمو تدينى العربيه وانا اديلك كل يوم مصروفى عمو طبعا موافقش

ورجع سامر لباباه وهو بيعيط وقاله يا بابا انا لقيت ثمن العربيه غالى اوووى وانا مش معايا فلوس ثمنها

وطبعا بابا كان زعلان اوووى من سامر قاله وانت ليه خدتها يا سامر انت كل متشوف حاجه عجباك تشبط فيها

دا فيه طفال مش لاقين الاكل وبياكلوا من الشارع
واخده بابا ووراله الاطفال اللى فى الملاجىء واللى فى الشوارع واللى تحت الكوبرى وهما بياكلوا من الزباله وبيشحتوا

وعندما شافهم سامر زعل سامر من نفسه اووى لما شاف ولد بياكل من الزباله وهو كل يوم يرمى سندوتشاته

بدل ما يحمد  ويشكر ربنا فبابا قال لسامر انا هشترى العربيه لماهر بس انت عارف ثمن العربيه دى مش هيكون معايا

فلوس خالص لاخر الشهر اجيب لعب ولا اي حاجة تشبط فيها

ومش هيكون عندنا غير اكل بسيط وعلشان اللي انت عملته ده كلنا هنتحرم من الحاجات الحلوة بسببك

وفعلا اشترى باباه العربيه لماهر ورجعهالوا ومكنش معاه فلوس غير كام جنيه بقيوا كل يوم يجيبو فول وطبعا سامر

مكنش بيحب الفول بس كان ميقدرش يتكلم لانه السبب

وراح سامر يجمع كل العابه وراح لباباه وقاله اتفضل  يا يابا كل العابى بيعهم وخد ثمنهم اصرف بيه وهتلنا فراخ ولحمة بابا

قاله دى العاب مستعمله محدش هيشتريها تعال احسن نوديهم لاطفال محتجاها وراحوا ملجأ ايتام ووزعوا العاب سامر

وبابا سامر  كان مبسوط وهو شايف سامر بيوزع الالعاب على الاطفال وبيوريهم ازاى يشغلوا الالعاب ويلعبوا بيها

ومن يومها اتعلم سامر ومبقاش يشبط فى اى حاجه

الهدف من القصة

تعليم الاطفال الرضا والقناعة وعدم الشبطان في الالعاب