افكار لتنمية قدرات الطفل العقلية فى عمر السنتين

هنقدملك افكار لتنمية قدرات الطفل العقلية (14 فكرة ) في عمر السنتين والهاؤه وتنمية مهارات اليدين والارجل و مهارات اللمس والمهارات الحركية بافكار بسيطة من المنزل وبالصور

افكار لتنمية قدرات الطفل العقلية

1- لعبة الدلو والقطع الصغيرة

اللعبة دي سهل عملها نحضر دلو صغير بغطاء ونعمل به ثقب بالسكينة على اد حجم قطع اسفنج  او فلين ملونة اي شيء موجود عندك وعلميه ازاي يحطهم وسيبيه ينطلق

وشوفي شغل البيت اللعبة دي طبعا هتلهيه وتخليه مشغول عنك وهتنمي قدرات يديه وتعلمه الدقة

في وضع الاشياء في اماكن صغيرة وتنمي قدراته العقلية

2 لعبة الملمس

لو عندك ورق بلاستيك كا بطانة لجهاز كهربي ضعيه للطفل على الارض وخليه ينزل ويطلع يمشي عليه وهو بدون شراب او اي شيء حتى تلمس ارجله الملمس الخشن وعنيه تقدر بعد تفرق بين الملمس الخشن والناعم بالنظر وده نشاط مهم جدا لتنمية قدراته

3 – لعبة فرز الالوان

اللعبة دي لتنمية قدرات الطفل البصرية ومهمة جدا خصوصا لو كل مرة الطفل يكرر اسم اللون اللي بيوضع بمكانه

هنحتاج طبق تقسيم الطعام الكبير او صينية بلاستيك ونقسمها بالورق المقوى

ونضع في كل كن ورقة من الورق المقوى بلون مختلف بعد لصقها ونكون محضرين كور صغيرة او قطع فل

او حتى نلون ورق ونطبق بايدينا على شكل كور صغيرة

افكار لتنمية قدرات الطفل العقلية فى عمر السنتين

4- كور القطن

ممكن نلون القطن وممكن نسيبه كدة ودي مفيدة لتنمية قدرات الطفل وتركيزه بانه يضع كور القطن فى علبة الثلج

5- البازل

لعبة البازل ذو القطعة الواحدة مفيد جدا لتنمية قدرات الطفل الادراكية والبصرية بيبقى عبارة عن لوحة كبيرة بها فراغات

وكل فاغ مرسوم به شكل البازل والطفل عليه انه يركب في كل فراغ الشكل المطابق

موجودة فى معظم المكتبات ومحلات العاب الاطفال

6- لعبة المغناطيس

تعلم الطفل ترتيب الاشياء اى كانت ارقام او حروف او الوان حسب ادراكه و ممكن نساعده بنطق كل حرف

هينمي عنده قدراته العقلية والاطفال بيحبوها

7- لعبة المصفاة

اي مصفاة بلاستيك عندك ومصاصات العصير الملونة اعطيها للطفل وخليه يدخل طرفيها عشان يعمل الشكل ده الطفل هيكون سعيد جدا لما يقلدك ويحاول يعملها زيك وهتلهيه فترة طويلة وتزيد من تركيزه وتنمي قدرات يديه الدقيقة واصابعه

8- لعبة البرطمان

لو عندك برطمان زي اللي في الصورة به ثقوب ممكن نقص مصاصات العصير على نصفين ونديها للطفل يدخلها بالبرطمان مهمة جدا اللعبة دي

لتنمية تركيزه وقدرته في التحكم بيديه واصابعه وهتسعده بعد كده بالتحكم بالقلم للكتابة لما يكبر اكثر ان شاء الله

9- لعبة الصلصال الصحى

ممكن تصنعي لطفلك صلصال بالمنزل من الدقيق والنشا والماء والالوان الصحية او الطريقة اللي تحبيها وممكن تشتري له الصلصال الصحي المخصص للاطفال

وتعملي معاه اشكال حتى لو مش بيعرف يعمل كفاية انه يقدر يقطعه ويحاول يقلدك ومع الوقت هيتعلم وهيكون ماهر فيه بس شجعيه

افكار لتنمية قدرات الطفل العقلية فى عمر السنتين

10- لعبة الاسطوانة والكور

اللعبة دي مهمة لتعليم الطفل الدقة ومحاولته التركيز ووضع الشيء في مكان محدد هتحتاجي اسطوانة كرتون متبقية من ورق القصدير او الالومنيوم

او حتى من ورق المناديل هتلصقيها بلاصق بالحائط زى الصورة ونضع تحتها دلو او جردل

ونعطي الطفل كور صغيرة يحاول ان توضع وتنزل داخل الدلو

11- لعبة المكعبات

احضري لطفلك المكعبات الكبيرة لبناء منزل او وضعها فوق بعضها فالطفل فى هذا السن يستطيع بناء برج

مثل الصورة

12- لعبة الاسطوانة والمصاصات

هتطلبي من الطفل بدلا من وضع الكور فى اسطوانة الكرتون ان يضع بها مصاصات العصير الطويلة والموضوع ليس سهلا عليه لانه سيضطر الى ثنيها

او ثنيي اصابعه ويديه لدخوله لانها طويلة فهذه اللعبة مهمة فى تنمية قدرات الاصابع واليدين وتشغيل عقله فى حل

ذلك وطبعا هنستخدم اسطوانة كرتون متبقية من ورق المناديل الرول او رول القصدير او الالومنيوم

– ابنك امانة بايديكي ممكن تلهيه عنك بلعب امنة تنمي مهاراته وكمان تقدري تعملي اي شيء مشغولة به بدون صراخ

او بكاء وانتم الاتنين هترتاحوا من العصبية وهيتعب وينام بليل لان عقله طول النهار شغال

وبيلعب بدل مشاهدة التلفاز المضرة