التغلب على السرحان وقت المذاكرة

لو اولادك علطول بيسرحوا فى المذاكرة ومش بينجزوا ومحتارة وبتسألي عن كيفية التغلب على السرحان وقت المذاكرة ؟ تعرفي في هذا المقال.

التغلب على السرحان وقت المذاكرة

اولا: تخلص من كل ما يشغلك خاصة الموبيل

اجعلي ابنك يبعد عنه تماما كل ما يعطله ويشغله عن المذاكرة خاصة الموبيل لانه عادة يجد نفسه يريد ان يتصفح موبيله يشاهد فيديو يراجع ذكريات صورة يلعب العاب يحمل برامج كله هيفتكره وهو بيذاكر فعشان كده الافضل وقت المذاكرة نسحب الموبيل والتاب والايباد وكل حاجة ممكن تشغل اولادنا عن المذاكرة.

ثانيا: حدد واجباتك

بحيث تناسب طاقتك لان لو زيادة مش هتنجز، يعني اطلبي من ابنك انه يكتب مفروض يعمل ايه النهاردة حل واجب الماث والعلوم.

مراجعة كلمات الانجليزي لانه هيسمعها بكره وهكذا  المهم يحدد حسب الاولوية يعني لو عنده امتحان بكره او مراجعة او تصحيح واجب  لازم يكتب كل دة فى ورقة.

عشان يعرف المفروض يعمل ايه ولازم يحط حاجات تناسب طاقته يعني ميقولش هراجع كل اللى خدته وهو اصلا الوقت صغير ويادوب يكفي يراجع اللى عنده فيه امتحان بكرة

وكمان لازم نهونها على اولادنا لان لو طلبنا منهم كتير دايما ولو مقدروش ينجزوه هيصابوا بالاحباط وهيحسوا المذاكرة شئ رخم وهيهربوا دايما منه.

ثالثا: راحة 10 دقائق كل ساعة مذاكرة

لو كله ورا بعض هتنسى وتتعب وتيأس فلازم نحمس اطفالنا واولادنا ونقلهم لكل ساعة مذاكرة فى راحة 10دقائق ده هيحمس طفلك للمذاكرة وهيخليه يذاكر وهو مرتاح لانه عارف انه شوية وهياخد راحة وبلاش تضغطي على الطفل انه يقعد بالساعات يذاكر لان شوية وهيتظاهر انه بيذاكر وهتلاقي التحصيل الدراسي صفر.

رابعا: اعمل بريسنتيشن لما ذاكرته

خلي طفلك لما يذاكر حاجة يقدمها او يسمعها بشكل ظريف يعنى مثلا لو بتذاكروا قصه خلى طفلك يعملها كمشهد فى مسرحية ويسمع احداثها المهم راجعي معاه اللى ذاكرة بطريقة متربكش الطفل.

خامسا: كافئ نفسك لو خلصت اللى وراك

اخبري طفلك انه سيحصل على مكافأة حين ينتهي من واجباته او من جدوله الذي عليه ان ينهيه وليس شرط ان تكون المكافأة امر باهظ الثمن او هدية نفيسة لكن ممكن كوب عصير  اكلة طفلك بيحبها شيكولاتة نزود مصروف بكرة شوية فالتحميس دة وسيلة ناجحة جدا حتى يبذل اطفالنا ما بوسعهم دائما.

سادسا : ابعديه عن اخوته المشاغبين

فأن كان طفلك لديه اخوة اصغر يحدثون الشغب والضوضاء اعلمي ان لن تجد المذاكرة نفعا فحاولي ان تهيئى لطفلك جو هادئ بعيد عن الشغب وليكن ان تشغليهم بالتلفاز او تخرجيهم مع والدهم او عند جدتهم لحين ان يذاكر اخوهم.

سابعا: خلي اصعب مادة الاول

عشان يبقى قدامك وقت كويس تلمها فدائما تركيز الطفل فى الاول اعلى تركيز فأبدئوا بالاصعب ثم الاسهل.