طريقة عمل الوان طبيعية للاطفال وآمنة على طفلك

هنقدم لكم طريقة عمل الوان طبيعية للاطفال وآمنة على طفلك، الألوان الطبيعية ده تلعبي فيها برحتك مع أبنك متخفيش يحطها في فمه أو تيجي في عينه.

طريقة عمل الوان طبيعية للاطفال وآمنة على طفلك

المهم انها تتشال في التلاجة لأن مكوناتها كلها organic Homemade finger paint

المقادير:

• 3 ملاعق طعام سكر بودرة
• 1/2 ملعقة طعام ملح
• 1/2 كوب نشا ذرة
• 2 كوب ماء

الطريقة:

1. إخلطي كل المكونات مع بعض وحطيهم في حلة صغيرة عالنار لغاية ما يبدأوا يتقلوا.
2. إرفعيهم وخليكي قلبي لحد ما يهدا شوية وتحسي انه عامل زي المعجون كدا (سمك الألوان).
3. بعدين قسمي الكمية حسب عدد الألوان اللي هتعمليها.
4. إبدأي لونيها بألوان طعام (من عند العطار).
5. حطيهم في عبوات محكمة الغلق.
6. ودعي طفلك ينطلق

ملاحظات:

. الالوان البودرة اللي عند العطار تقيلة جدا يعني ترشي رشة خفييفة اوي وتقلبي وتشوفي اللون كويس ولا لا.

. تاني حاجة المقدار دا كتير مش شوية عملي أربع علب  (علب صلصال قديمة).

. اخر حاجة مش لازم تشتري كل الألوان من العطار.

. هاتي الألوان الاساسية (احمر، اصفر، ازرق) وخلطي واعملي الالوان الباقية أو ممكن زي ما أنا عملت.. عملت أربعة بس وهخلي ديما تخلط منهم ساعة الرسم عشان تعرف ان الألوان على بعض بتطلع ألوان تانية.