طريقة عمل الصلصال بالمنزل آمن وصحي للاطفال بالصور

طريقة عمل الصلصال بالمنزل ، الطين صلصال من الحاجات المهمة جدا ان الطفل يستخدمها نقدر نعمل بيها الحروف والارقام للاطفال قبل سن المدرسة الطريقة دي هتساعد الامهات جدا في توصيل المعلومة لاطفالهم او عمل شكل لحيوان بيبدأ بحرف معين. وكمان الطين صلصال تعتبر علاج للي عندهم صعوبة بمسك القلم، اذا دايما يلعب بالطين صلصال ويعمل اشكال لأنة مسكة العجينة هتخلي عضلات ايدة تبقي قوية.

إليكٍ طريقة عمل الصلصال بالمنزل غير ان الطريقة دي امنة جدا وهتخلي الاطفال يقضوا وقت لذيذ قوي ومن غير ما نخاف عليهم.

طريقة عمل الصلصال بالمنزل آمن وصحي للاطفال بالصور

المقادير:

• 1 كوب دقيق
• 1 كوب ماء
• نصف كوب ملح
• 1 معلقة زيت طعام
• الوان طعام
• 2 معلقة كريمة الترتار (لكن هنستبدلها ب بالخل او الليمون لأن الكريمة دي حمضية والبديل لها الليمون والخل).

الطريقة:

هنحط كل المكونات اللي عندنا ما عدا الوان الطعام في حلة ونحطها علي نار هادية لمدة 10 دقائق ونفضل نقلب لغاية لما المكونات تتطبخ وتبقي متماسكة وبعد كدة نقسمها لكذا جزء ونضع الوان طعام.

وهيبقي دة شكلها ونقدر نعمل اشكال رائعة وممكن نسيب اولادنا يلعبوا بيها بدون خوف منها وطبعا الالوان غير سامة.

كل مكوناتها طبيعية وماتخافوش علي اولادكم لما يحطوها في فمهم

– تحفظ فى كيس بالثلاجة لتعيش اكبر وقت ممكن ولا تجف او نحطها في علب التلاجة ونحفظها في التلاجة

وكمان تقدري تشوفي طريقة عمل الصلصـال المطاط بمكونين فقط اضغط هنا