اسعد لحظات في عمر الطفل وهو بيلعب بالالوان تجربة فعلا ممتعة وبتنمي مهارات الطفل وتساعده على الخيال والابتكار علشان كلنا عارفين اهميتها واد ايه الطفل بيكون مبسوط وهو بيلعب بالالوان دي ، اليكِ طريقة عمل الوان مائية في البيت وماتخافوش بتطلع بالماء في الغسيل العادى .
طريقة عمل الوان مائية في البيت
المكونات:
1. معلقة نشا
2. معلقتين الكربونات
3. معلقة خل
4. الوان طعام
5. كورن سيرب (اختياري) ليكون الخليط سميك بعض الشيء
الطريقة:
1. نحط معلقتين الكربونات
2. عليهم معلقة خل
3. هنلاقي المكونات فارت زي ما انتو شايفين كدة الاطفال بيحبو الفوران جدا, لما تهدى نحط النشا والكورن سيرب وبقلب الخليط بشوكة
4. يقسم الخليط في اوعية كما بالصورة
5. نضع الوان الطعام على الخليك كما نحب
6. نخلط الالوان بالخليط ونستمتع بألوان صحية لاطفالنا
وتسيبوا ولادكم يلونوا ويبدعوا ويطلعوا الطاقة الا عندهم حتي لو الطفل مش شاطر في الرسم مجرد انة يخرج طاقتة في التلوين او الشخبطة في الورقة صدقوني بتريح الطفل كتتتير وبتفرحة وكمان هترتاحوا شوية من الشقاوة لأنهم اكيد هيحبوا يلونوا ويشخبطوا
الالوان دي بتطلع بالماء كمان وماتخافيش عليهم منها لو سبتيهم يلونوا لوحدهم لأن كل المكونات طبيعية
