خطوات عمل احلى ساليزون بالبيت وبالصور وأرخص بكتير

الساليزون فكرة صعبة لستات كتير مع ان سعر الكيلو حوالى 100 جنيه ليه متعمليهوش بالبيت زى الحلوانى وكمان التكلفة اقل بكتير وانضف وتفرحى اولادك باعياد الميلاد تعالى أعملى خطوات عمل احلى ساليزون بالخطوات مصورة بعجينة الباف باستري

خطوات عمل احلى ساليزون بالصور

مقادير العجينة

نصف كيلو دقيق

نصف كيلو زبدة باردة مقطعة مكعبات

كوب ماء بارد

ملعقة ملح

نصف ملعقة كبيرة خل

الطريقة:

اهم حاجة احنا عاوزين نحافظ على درجة حرارة الزبدة باردة زى ما تكون طالعة من الثلاجة

فى العجانة هنخلط الدقيق والملح والزبدة على السرعة البطيئة نصف دقيقة ثم نعلى السرعة حتى تصبح مثل الرمل

ثم نضيف الماء المثلج والخل ونخلط جيدا

ثم نجمع العجينة بدون عجن ونضعها فى كيس بلاستيك وتحفظ بالثلاجة نصف ساعة

بعد خروجها من الثلاجة تفرد بقليل من الدقيق على شكل مستطيل بسمك 1 سم

يتم نفض الدقيق عن العجين بفرشاة وتطبق مثل الظرف وندخلها الثلاجة وهى مطوية ربع ساعة

ثم تخرج من الثلاجة مرة اخر وتفرد بقليل من الدقيق بدون فك الظرف كما هى بعد فردها تطوى مرة اخرى وتحفظ بالثلاجة ربع ساعة.

المرحلة التالية

تكرر نفس الطريقة نرجعها ونفرد العجينة بدون فك الظرف وبعد فردها نطويها ظرف ونضعها فى الثلاجة اخر مرة ربع ساعة

احنا هنا بنعملها طبقات هشة

بعد كده هناخد الظرف ونفرده بالفرادة ونقطع منه اشكال بالفرادة دوائر او مربعات او نجوم ممكن نعمل حشوة جبنة شيدر مع زعتر او صلصة مع زيتون وشيدر

ممكن نقطعها قلوب ونحشيها مربى وقشطة او اى حشوة ونغطيها بطبقة تانية ونقفلها بالشوكة من الحروف

وده اشكال مرشوش عليها جبنة وزعتر او حبة البركة او سماق او زيتون قطع صغيرة

وده شكل الحشوات بعد التسوية

هنسويها فى فرن متوسط الحرارة ومسخن مسبقا حوالى 200 درجة وتترك حتى تأخذ لونا جميلا حوالى 10 دقائق على الاكثر شايفين الطبقات عالية وهشة عشان عملناها 3 مرات طى الظرف وفرده

ممكن نقطعها دوائر وندخلها الفرن على نار هادئة بعد رش الوجه سمسم ولما تطلع نخفق جبنة كريمى مع زيتون مفروم ونضعها فى كيس حلوانى ونعمل بيها وردات

 

وممكن بعد وضع وردات الجبنة عليها نضع على الوجه رومى مدخن او جمبرى مسلوق وزيتون وده الساليزون الفاخر

واستمتعى بكل الافكار دى واسهل ساليزون