كيكة كرة القدم بتفرح الاولاد اعمليها لابنك فى عيد ميلاده وفرحيه و خطوات عمل كيكة كرة القدم بالصور عشان تبقى سهلة عليك وكمان افكار لتزينها
خطوات عمل كيكة كرة القدم
طريقة الكيك البنى
المقادير
3 بيضات ( البياض لوحده والصفار لوحده )
ملعقة صغيرة فانليا
2 ملعقة كبيرة كاكاو خام
كوب دقيق
كوب الا ربع سكر
ملعقتين ماء
خطوات عمل كيكة كرة القدم لعيد ميلاد طفلك وفرحيه
الطريقة
يخفق بياض البيض مع نصف كمية السكر حتى يصبح هش ويتضاعف حجمه
فى بولة اخرى نضيف صفار البيض والفانليا ونخفق ثم نضيف السكر وملعقتين الماء ونخفق جيد
يضاف الى صفار البيض الدقيق والكاكاو ويخفق جيد ثم نضيف بالتدريج مع التقليب برفق مخفوق بياض البيض وكل مرة نضيف فيها بياض البيض نقلب براحة عشان نحافظ على القوام هش حتى ننتهى من الكمية ثم تصب فى صينية مستطيلة صغيرة وتوضع بفرن مسخن مسبقا على درجة حرارة 180 درجة لمدة من 15 دقيقة الى 20 دقيقة وتترك لتبرد تماما
تكرر نفس المقادير مع الكيك الابيض او الاسبونج الابيض وطبعا نحذف من المقادير الكاكاو والماء وتخبز بنفس الطريقة
طريقة شيكولاتة الحشوة
فى حمام مائى نذيب ربع كيلو شيكولاتة خام
فى بولة نخفق كوب كريمة لبانى او كريمة خفق حتى تهييش ثم نضيف لها الشيكولاتة الذائبة ونخفق جيدا حتى يصبح كريمة شيكولاتة وممكن نستبدل الكريمة اللبانى بكريم شانتيه
طريقة عمل كيكة كرة القدم
هنحتاج بولة زجاج او استانلس
ورق نايلون استرتيش او ورقة زبدة لسهولة اخراج الكيك
ورق مقوى
كوب شربات كبيرة ( نخلط كوب ونصف سكر مع كوب ماء على النار لمدة 5 دقائق ثم نتركه يبرد )
نقص ورقة لكيك الفانيليا البيضا على الشكل ده هنحتاج حوالى عشرين قطعة فانيليا نضع الورقة على الكيك ونقص بالسكين
نقص ورقة بهذا الشكل لكيكة الشيكولاتة هنحتاج حوالى 7 قطع نضع الورقة على الكيك ونقص بالسكين الشكل
فى البولة نفرش فيها ورقة زبدة او ورقة بلاستيك فيلم اللى هى البلاستيك الشفاف
ثم ترص قطع الكيك البنى والابيض بهذا الشكل وبفرشاة تسقى بالشربات او القطر
ثم نضع طبقة من الكيك من اى نوع فيهم فوق الكيك المرصوص ثم نضع طبقة كريمة شيكولاتة ثم نضع طبقة كيك ثم طبقة شيكولاتة وطبعا الكيك اللى جوه البولة لا يشترط اللون او الشكل لانه مش هيظهر ده مجرد العمود الفقرى للكيك وهكذا نعمل طبقات بالتبادل بين الكيك وكريمة الشيكولاتة
اعملى لابنك كيكة كرة القدم لعيد ميلاده وفرحيه
واخر طبقة ترص جيدا من الكيك ونسقيها شربات او قطر ونضع فوقها طبق ثقيل طبق صينى مسطح ونتركها بالثلاجة حوالى ساعتين
عند التقديم نضع طبق التقديم فوقها ونقلب ونتركها تنزل بالطبق ونزيل الورقة
وده شكلها النهائى الف هنا
وده فى عيد الميلاد
افكار للتزيين
هنحضر كريمة بيضا وكريمة شيكولاتة
وبكيس الحلوانى نضع به بلبلة رفيعة ونعمل وردات صغيرة مثل الصورة وطبعا الكيك مقسم فهيساعدنا فى التشكيل
ودى فكرة اخرى للتزين
نرجوا ان تكون الفكرة سهلة واعجبتكم
