رغم ان البيت ميمشيش من غير دور الام لأنها هي اللي بتربى وهى االى تعلم وهى اللي ترضع وتغير الا ان دور الاب في الاسرة لا يمكن الغائه او تجاهله او يظن الاب ان الام كفت ووفت ويجاهل دوره ناحيه اطفاله وفى هذا المقال سنهمس في اذن كل أب لتأمل يعنى أيه أب؟
دور الاب في الاسرة
لو حتى و أنت تعبان في الشغل وشايل الهم ومطحون، فكر في اطفالك االلى قاعدين يعدوا الساعات ويحسبوا أمتى بابا راجع من الشغل، ويسألوا ماما كل دقيقه يعنى فاضل قد أيه وبابا يرجع.
هتعـرف يعنى أيه أب
لو تعرف اطفالك قد ايه بيتبسطوا اول ما تدخل من الباب ويجروا عشان ياخدوا منك حضن يطمنهم ويحسسهم بالأمان
هتـعــرف يعنى أيه أب
لو تعرف قد ايه اطفالك بيبقوا مستنين لحظه ما تسيب الجرايد من ايدك وتنادى عليهم يقعدوا جنبك تحكوا وتضحكوا
هتعــرف يعنى أيه أب
لو تعرف انك اول لما تخرج من البيت طفلك بدخل اوضتك ويفتح دولابك علشان يلبس لبسك
ويقف قدام المرايا ويقلد حركاتك.
هتعــرف يعنى ايه أب
لو تعرف ان بنتك لما حد يسألها أنتى ايه مواصفات فتى احلامك ؟ تقول انا كل مواصفاتى انه يكون حد زى بابا
هتـــعرف يعنى أيه أب
لو تعرف ان اطفالك يقعدوا يتفقوا وانت برا هيجيبولك ايه في عيد ميلادك،
وكل واحد يقعد يحوش من مصروفه عشان يجبلك هديه.
هتــعرف يعنى أيه أب
حسس طفلك انك في حياته واقعد حكى معاه والعب معاه امسكه واحضنه وبوسه هو محتاج للشعور ده جدا
اتصل بيه وانت في الشغل واسالهم لو نفسهم في حاجه تشتريها وانت راجع يفرحوا بيها
أسالهم عن يومهم في المدرسة وواجباتهم ولحد حاجه ضايقتهم.
خليهم يحسوا ان انت موجود في حياتهم واديهم حب وامان ان محدش هيأذيهم طول ما انت عايش
على فكره طفلك ميعرفش يعنى ايه فلوس اللي تعبان فيها، قد ما يعرف يعنى ايه حضن وبوسه حلوة وقعده مرحه يستمتع فيها معاك.
فمتخليش الدنيا تخلص في الشغل وتلاهى الدنيا وتعدى احلى سنين في حياتك وتنسى تبص على اولادك وهما بيكبروا. هتندم ومش هتقدر ترجع السنين تانى لورا عشان تاخد بالك منهم وتلاحظهم وهما بيكبروا وهو ده معنى كلمه بابا .
