الحنة من احلى مستحضرات تجميل المرأة العربية وكلنا بنحب رسم الحنة بس مش بنعرف نعمل عجينتها هنقدملك طريقة عجينة رسم الحنة زى المحترفين ثلاثة طرق لعمل عجينة الرسم اللى بتختلف عن الصبغة اكيد
الحنة بتستخدم كمان فى ازالة السموم من الجسم عن طريق وضع عجينة من الحنة المخلوطة بالماء فى بطن الرجل وربط شريط عليها والنوم بها للصباح سترى ما يفاجأك من شكل ورائحة الحنة وما تم سحبه من سموم من الجسم وتستخدم بالطب البديل كعلاج ظاهرى
طريقة عجينة رسم الحنة زى المحترفين
الطريقة الاولى لعجينة رسم الحنة
ربع كوب من مسحوق الحنة
ربع كوب عصير ليمون مصفى جيدا من اى تفل
ملعقة ونصف سكر بودر
ملعقة ونصف زيت اللافندر او زيت الجرجير او زيت شجرة الشاى او اى زيت مفضل لك
10 حبات من القرنفل
الطريقة
يتم نخل الحنة جيدا بمنخل او مصفاة لضمان انها ناعمة جدا
على النار يتم غلى عصير الليمون مع حبات القرنفل وبعد ان يغلى يصفى الليمون ونأخذ ماؤه
فى بولة تخلط الحنة مع السكر البودرة ثم نضيف لها عصير الليمون ببطء مع التقليب بملعقة حتى يصبح الخليط سائل جدا يقلب جيدا حتى يتجانس
توضع الزيت على الحنة وتخلط جيدا ثم تغطى خليط الحنة وتترك لتختمر لمدة 24 ساعة اى يوم كامل حتى نستخدمها باليوم التالى قبل استخدام الحنة مباشرةنضيف لها ملعقة عصير ليمون ونخلط جيدا
ممكن ترسميها بابرة بنشيل السن ونسحب الحنة زى الدواء او بخلة اسناء ونرسم بيه او كيس حلوانى صغير بثقب صغير اوى
او بفرشاة مكياج رفيعة جدا
او ممكن تشترى الرسمة المفرغة للمبتدئين وتلصقيها وتملى الفراغات بالحنة لو مش بتعرفى ترسمى
الطريقة الثانية
ربع كوب حنا
نصف ملعقة حجر اسود متوفر عند العطار
كريم اوكسجين تركيز 20% حوالى ملعقتين
الطريقة
هنخلط الحنة مع الحجر الاسود ونضيف كريم الاوكسجين بالتدريج لحد ما نحصل على عجينة طرية مثل الزبادى ثم تستخدم بالرسم مباشرة
الطريقة الثالثة
ربع كوب حنة
ربع كوب شاى مركز ( نغلى ربع كوب شاى مع كوب ماء لحد ما يتبخر ثلاثة ارباع الماء يعنى شاى تقيل اوى )
3 ملاعق عصير ليمون مصفى ( 2 ملعقة وقت التحضير والملعقة الاخرى فى اليوم التالى )
الطريقة
نخلط فى بولة زجاج الحنا و2 ملعقة ليمون جيدا ثم نضيف الشاى الدافىء ونخلط جيدا ثم نغطيها ونتركه لمدة يوم كامل او 24 ساعة
نصائح مهمة
– قبل الرسم يجب ان يكون الجلد منظف بالماء والصابون ومجفف جيدا وخالى من اى كريمات او زيوت
– يجب اختبار الحنة على البشرة اولا خصوصا الوصفة التى تحتوى على الاوكسجين لانه يوجد بعض النساء القلائل عندهم حساسية
– يفضل ترك الحنة على البشرة اكبر فترة ممكنة عشان اللون يكون اجمل واقل فترة هى ساعة
– يمكنك استبدال عصير الليمون بالخل الابيض فهو يثبت اللون
– يفضل استخدام اوانى زجاجية عند الخلط او طبق صينى
– يمكن اضافة رسومات ذهبى او فضى بداخل الرسمة مادة ذهبى تباع لرسم الحنة للعرائس لو حبيتى
ممكن ترسمة كف اليد من جوه بس هيبقى تحفة
نتمنى نكون افادناكم
