كل بنت بتحلم باليوم اللي هتلبس فيه الفستان الابيض والطرحه وتخرج بالزفه والزغاريد عشان تستقبل حياه جديده مع الراجل اللي حبته وسلمتله حياته . لكن قبل الليلة دى بيراود كل بنت حيره شديده في التجهيز للزفاف من كروت ومكياج وتنظيم للحفله وفى المقال ده هنقدم ليكى نصائح عن كيفية اختيار فستان الزفاف .
كيفية اختيار فستان الزفاف المناسب لشكل جسمك
اولا اختارى الفستان المناسب لسنك وشكل جسمك ولون بشرتك ومتنيس يكون الفستان بيعبر عن شخصيتك هل تحب البساطه أم تحب الزينه والاكسسوارات الكتير .
اختارى فستان يكون شيك لكن يكون مريح في نفس الوقت عشان لما تكوني مرتاحه في الفستان هيبان عليك ثقتك بنفسك وهيزيدك جمالا واطلاله لامعه في يوم زفافك.
لو بشرتك خمريه او سمراء يفضل اختيار فستان اوف وايت لان الابيض يظهر اكثر مدى اسمرار البشرة نتيجة اختلاف الالوان الكبير بين لون الفستان ولون البشرة.
لو كانت بشرتك فاتحه يفضل اختيار فستان زفاف ابيض لأنه سيظهر جمال بشرتك.
لو الفستان بسيط وخالى من الالماظ او الترتر واغلبه قماش ساده هاتى عليه طرحه طويله ومطرزة لتعطيكى اطلاله العروسه وجذب الانظار لكى لتكونى ملكه اليوم.
ولو الفستان مطرز كتير اختارى له طرحه قصيره وساده لان الفستان هيكون فيه الشغل كله.
افضل انواع اقمشه الفستان هو الستان اللامع لأنه يبنور الوجه ويعكس جمال للعروسه وومكن اجزاء دانتيلا مثل الكمام .
لو هتفصلى فستان فرحك فقبل ما تختارى الموديل اللي هتفصليه من مجله انزلى الاتيليهات
وشوفى اقرب شبيه ليه وجربيه عشان تتخيلى منظره عليك قبل ما تفصلى ويطلع مش لايق عليك.
كيفية اختيار فستان الزفاف المناسب لشكل جسمك
الفستان المنفوش او ” فستان سندريلا ” ينفع لو كنتي طويله ورفيعه لكن لو قصيره هيقصرك زياده ولو تخينه هيديكى وزن اكتر على وزنك وهيكبر منطقه البطن.
لو شعرك لونه صارخ مثل اصفر او ثلجى قللي التطريز على الفستان واستعملى اكسسوارات رقيقه وهاديه.
فستان عروسه البحر او الميرميد مينفعش مع واحده عندها بطن او كرش او ارداف كبيره لأنه هيبين كل عيوب الجسم
لو كان صدرك كبير في الحجم مينفعش فستان كب ويفضل جليه دانتيلا مقفول من فوق مع اكمام دانيلا .
لو هترفعى شعرك فورمه اختارى حلق كبير ينزل على الرقبة والكتف عشان متبقاش كل المنطقة دى فاضيه لكن لو هتسيبلى شعرك طلعى شويه خصل قدام والبسى حلق رقيق وقصير مع سلسله رفيعه.
