كلنا بنحب نشترى دهب ونغير شكله من وقت للتانى. لكن في ناس بتقع ضحيه غش الملحات احيانا او مزايدة الاسعار. وعلشان كده هنقدم ليكى نصائح عند شراء الذهب
نصائح عند شراء الذهب
اولا: قبل الشروع في شراء الذهب بحوالى 15 يوم اطلعى يوميا على سعر الذهب بشكل يومى حتى تحددى افضل وقت لشراء الذهب ولا يكون سعره مرتفع يوم شرائه.
ثانيا: لا تذهبى لشراء الذهب في عجاله او فكرك مشغول في شيء اخر لكن خصصى وقت فراغ من اسبوعك لهذه المهمه.
ثالثا: حددى نوع الغرض التى تريدى ان تشتريه هل غويشه، خاتم، سلسله، حلق وهكذا وهل تريدى عيار كام 14، 18، 21، 24 وهكذا.
رابعا: قومى بجوله على عده محلات لتبحثى عن ما تريدى ولكن لا تشترى فقط اطلعى على الاشكال، الاسعار. وفى كل محل ذهب تدخليه اسالى عن سعر الجرام وطبعا انتى هتكونى عارفه من النت قبل ماتنزلى عشان تقارنى وتعارفى الغالى من الرخيص.
خامسا: عند قيامك بتلك الجوله لا تظهرى اعجاب شديده بشئ ما وتظهرى انكى تريديه جدا لان اصحاب المحلات، هيستغلوا انك متمسكه بيه وهتشتريه ايا كان ويرفعوا السعر.
سادسا: بعد انتهاء جولتك قومى بتحديد القطعه التى شدت انتبهك اكثر وتريدى شرائها وادخلى عند صاحب المحل لتبدأ عمليه التفاوض في السعر والشراء.
وهناك نوعان من اصحاب المحلات ” نوع ودود في الحوار واسلوبه كويس والنوع التانى دمه واقف وكلمته واحده ومفيش فصال والطريقه المثلى للتعامل معهم هو ” الحرص.
التركيز في طريقه الحساب”
سابعا: الحيله اللى بيستعملها الصايغ هو انه بيخفى مقدار ربحه في سعر الجرام
وسعر المصنعيه ومتبقيش عارفه تفرقى فلازم تكوني عارفه كويس هتشترى عيار كام ومصنعيته قد اي.
وتسألى الصايغ :
سعر الذهب صافى كام؟
سعر المصنعيه كام؟
ثامنا: لا تفاصلى في سعر القطعه كلها لكن فاصلى في سعر الجرام الواحد وابدأى احسبى اجمالى القطعه اللى اختارتيها
تاسعا: قبل البدء في حساب سعر القطعه تأكدى تماما من عيارها عن طريق طلب عدسه الصائغ ورؤيه طباعه الدمغه بنفسك.
عيار 18 . مكتوب عليه 18 أو 750
عيار 21 . مكتوب عليه 21 او 875
عيار 22 . مكتوب عليه 22 او 916
عيار 24 مكتوب عليه 24 او 999
ولو قطعه لازوردى تأكدى ان اللى مكتوب على الملصق هو نفسه القطعه ونفس وزنها وعيارها .
تاسعا: لتحسبى ثمن القطعه التى اختارتيها: ” سعر الجرام + سعر المصنعيه * وزن القطعه اللى ظهرت قدامك على الميزان ”
عاشرا: بعد دفع ثمن القطع اطلبى الفاتوره ودى اهم حاجة، وتاكدى من الوزن اللى مكتوب فيها وسعر الجرام والعيار .
احد عشر : بعض حقائق عن شراء الذهب :
عيار 18 مصنعيه أعلى من ذهب عيار 21 .
الذهب الايطالى هو اعلى ذهب في المصنعيه
الذهب اللى فيه احجار ملونه او اى الوان مصنعيته اغلى من الذهب الاصفر الساده.
